საქართველოს კანონი
ადმინისტრაციულ სამართალდარღვევათა კოდექსში ცვლილებისა და დამატების შეტანის შესახებ
მუხლი 1.
საქართველოს ადმინისტრაციულ სამართალდარღვევათა კოდექსში (საქართველოს სსრ უმაღლესი საბჭოს უწყებები, №12, 1984 წელი, მუხ. 421) შეტანილ იქნეს შემდეგი ცვლილება და დამატება:
1. 423 მუხლი ჩამოყალიბდეს შემდეგი რედაქციით:
„მუხლი 423. დასაქმების კერძო სააგენტოების სავალდებულო შეტყობინების გარეშე საქმიანობა და სოციალური დახმარებისა და დასაქმების სახელმწიფო სააგენტოში ინფორმაციის წარდგენის წესების დარღვევა
„დასაქმების შესახებ“ საქართველოს კანონის მე-14 მუხლის მე-3 პუნქტით გათვალისწინებული ინფორმაციის სოციალური დახმარებისა და დასაქმების სახელმწიფო სააგენტოსადმი მიუწოდებლობა ან ამავე კანონის 32-ე მუხლის პირველი პუნქტით გათვალისწინებული სავალდებულო შეტყობინების გარეშე დასაქმების კერძო სააგენტოების საქმიანობა, –
გამოიწვევს დაჯარიმებას ოცი მინიმალური ხელფასის ოდენობით.
იგივე ქმედება, ჩადენილი ადმინისტრაციული სახდელის დადებიდან ერთი წლის განმავლობაში, –
გამოიწვევს დაჯარიმებას ორმოცდაათი მინიმალური ხელფასის ოდენობით.“.
2. 239-ე მუხლს დაემატოს შემდეგი შინაარსის 21 ნაწილი:
„21. ამ კოდექსის 423 მუხლით გათვალისწინებულ ადმინისტრაციულ სამართალდარღვევათა შესახებ ოქმს „დასაქმების შესახებ“ საქართველოს კანონის მე-14 მუხლის მე-3 პუნქტით გათვალისწინებული ინფორმაციის სოციალური დახმარებისა და დასაქმების სახელმწიფო სააგენტოსადმი მიუწოდებლობის ნაწილში ადგენს სოციალური დახმარებისა და დასაქმების სახელმწიფო სააგენტო, ხოლო „დასაქმების შესახებ“ საქართველოს კანონის 32-ე მუხლის პირველი პუნქტით გათვალისწინებული სავალდებულო შეტყობინების გარეშე დასაქმების კერძო სააგენტოების საქმიანობის ნაწილში – საქართველოს შრომის, ჯანმრთელობისა და სოციალური დაცვის სამინისტრო.“.
მუხლი 2.
ეს კანონი ამოქმედდეს გამოქვეყნებიდან მე-15 დღეს.
საქართველოს პრეზიდენტი მ. სააკაშვილი
თბილისი,
2004 წლის 29 დეკემბერი.
№961–რს