„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „საზღვარგარეთ საქართველოს დიპლომატიური წარმომადგენლობების ნუსხის დამტკიცების შესახებ“ საქართველოს მთავრობის 2013 წლის 5 დეკემბრის №315 დადგენილებაში (www.matsne.gov.ge, 06/12/2013, 480040030.10.003.017482) შეტანილ იქნეს ცვლილება და დადგენილებით დამტკიცებული №2 დანართის „იმ ქვეყნების ნუსხის, რომლებშიც აკრედიტებულია საქართველოს დიპლომატიური წარმომადგენლობები“:
1. მე-17 პუნქტი ჩამოყალიბდეს შემდეგი რედაქციით:
„17. საქართველოს საელჩო ქუვეითის სახელმწიფოში აკრედიტებულია ბაჰრეინის სამეფოში და არაბთა გაერთიანებულ საამიროებში.“.
2. დაემატოს 28-ე პუნქტის შემდეგ 29-ე პუნქტი შემდეგი რედაქციით:
„29. საქართველოს საელჩო საუდის არაბეთის სამეფოში აკრედიტებულია ომანის სასულთნოში.“.
|