შემოსავლების სამსახურის
ბრძანება №51964
2014 წლის 1 5 დეკემბერი
„საჯარო სამართლის იურიდიული პირის - შემოსავლების სამსახურის შინაგანაწესის დამტკიცების შესახებ“ შემოსავლების სამსახურის უფროსის 2014 წლის 18 ივლისის №34134 ბრძანებაში ცვლილების შეტანის შესახებ
საქართველოს ზოგადი ადმინისტრაციული კოდექსის 63-ე მუხლის და „საჯარო სამართლის იურიდიული პირის – შემოსავლების სამსახურის დებულების დამტკიცების შესახებ“ საქართველოს ფინანსთა მინისტრის 2011 წლის 23 მაისის №303 ბრძანებით დამტკიცებული დებულების მე-3 მუხლის მე-2 პუნქტის „რ“ და „უ“ ქვეპუნქტებ ის საფუძველზე, ვბრძანებ:
1. „საჯარო სამართლის იურიდიული პირის - შემოსავლების სამსახურის შინაგანაწესის დამტკიცების შესახებ“ შემოსავლების სამსახურის უფროსის 2014 წლის 18 ივლისის N34134 ბრძანებით დამტკიცებული „საჯარო სამართლის იურიდიული პირის - შემოსავლების სამსახურის შინაგანაწესის“ (დანართი № 1):
ა) მე-3 მუხლის პირველ პუნქტს დაემატოს შემდეგი შინაარსის „ნ“ ქვეპუნქტი:
„ნ) წესრიგში ჰქონდეს სამუშაო ადგილი და დაიცვას სისუფთავე.“
ბ) მე-4 მუხლის პირველ პუნქტს დაემატოს შემდეგი შინაარსის „ნ“ ქვეპუნქტი:
„ნ) სამსახურის შენობაში თამბაქოს მოწევა, გარდა სპეციალურად გამოყოფილი ადგილისა (კიბის უჯრედისა).“
გ) მე-9 მუხლის პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:
„გ) სამუშაო დღის ხანგრძლივობა: 09.00 საათიდან - 18.00 საათამდე, გარდა ამ მუხლის 11 - მე-4 პუნქტებით გათვალისწინებული შემთხვევისა;“.
დ) მე-9 მუხლს დაემოტოს შემდეგი შინაარსის 11 პუნქტი:
„11. იმ თანამშრომლებს, რომელთაც ჰყავს 12 წლამდე ასაკის ბავშვი, სამსახურის უფროსის სახელზე წერილობითი განცხადების საფუძველზე, სამუშაო დღის ხანგრძლივობა განესაზღვრებათ 09.30 საათიდან - 18.00 საათამდე.“
2. ეს ბრძანება ამოქმედდეს ხელმოწერისთანავე .
შემოსავლების სამსახურის უფროსი გ.თაბუაშვილი