საქართველოს მთავრობის
განკარგულება №2054
2014 წლის 19 ნოემბერი
ქ. თბილისი
შპს „ZINI“-სათვის სახელმწიფო საკუთრებაში არსებული უძრავი ქონების იჯარის უფლებით გადაცემის თაობაზე თანხმობის მიცემის შესახებ
1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, მიეცეს თანხმობა საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ - სახელმწიფო ქონების ეროვნულ სააგენტოს, რომ შპს „ZINI“-ს (საიდენტიფიკაციო კოდი - 430797836) იჯარის უფლებით, შესაბამისი ხელშეკრულების გაფორმებიდან 1 (ერთი) წლით, ყოველთვიური საიჯარო ქირით - 500 (ხუთასი) ლარი გადასცეს ქ. თბილისში, გორგასლის ქ. № 24-ში, შენობა-ნაგებობა № 1-ის პირველ სართულზე მდებარე 340 კვ.მ ფართი და მასზე წილობრივად დამაგრებული მიწის ფართობი (მიწის (უძრავი ქონების) საკადასტრო კოდი - № 01.18.05.002.078).
2. ამ განკარგულების პირველ პუნქტში მითითებული უძრავი ქონების შპს „ZINI“-სათვის იჯარის უფლებით გადაცემის პირობად განისაზღვროს სარგებლობაში გადაცემულ ფართში, იჯარის მოქმედების პერიოდში, კვების ობიექტის ფუნქციონირება.
3. საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ - სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.
პრემიერ-მინისტრი ი. ღარიბაშვილი