ახალგორის მუნიციპალიტეტის ადგილობრივი თვითმმართველობის მოხელეთა დამატებითი საკვალიფიკაციო მოთხოვნების დამტკიცების შესახებ

ახალგორის მუნიციპალიტეტის საკრებულოს

დადგენილება №22

2014 წლის 3 დეკემბერი

ს .წეროვანი

ახალგორის მუნიციპალიტეტის ადგილობრივი თვითმმართველობის მოხელეთა დამატებითი საკვალიფიკაციო მოთხოვნების დამტკიცების შესახებ „ადგილობრივი თვითმმართველობის კოდექსის“ საქართველოს ორგანული კანონის 61-ე მუხლის მე-2 პუნქტის, „საჯარო სამსახურის შესახებ“ საქართველოს კანონის, „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის, „საჯარო მოხელეთა ატესტაციის ჩატარების წესის დამტკიცების შესახებ“ საქართველოს მთავრობის 2014 წლის 18 ივნისის №411 დადგენილებისა და „საჯარო სამსახურის შესახებ“ საქართველოს კანონით გათვალისწინებული კონკურსის ჩატარების წესის დამტკიცების შესახებ“ საქართველოს მთავრობის 2014 წლის 18 ივნისის №412 დადგენილების საფუძველზე, ახალგორის მუნიციპალიტეტის საკრებულო ადგენს:

მუხლი 1

1. დამტკიცდეს ახალგორის მუნიციპალიტეტის ადგილობრივი თვითმმართველობის მოხელეთა შემდეგი დამატებითი საკვალიფიკაციო მოთხოვნები:

ა) ქართულ ენაზე ზეპირი და წერილობითი კომუნიკაციის უნარი;

ბ) საოფისე კომპიუტერული პროგრამების (Microsoft office Word, Microsoft office Excel) და Internet Explorer–ის სამომხმარებლო დონეზე ცოდნა;

გ) სასურველია კონკურსანტი იყოს იძულებით გადაადგილებული პირი, ჰქონდეს დევნილებთან მუშაობის გამოცდილება;

დ) კონკურსანტს მოეთხოვება შემდეგი სამართლებრივი აქტების ცოდნა:

დ.ა.) საქართველოს კონსტიტუცია;

დ.ბ.) „ადგილობრივი თვითმმართველობის შესახებ“ ევროპული ქარტია;

დ.გ.) „ადგილობრივი თვითმმართველობის კოდექსი საქართველოს ორგანული კანონი;

დ.დ.) საქართველოს ზოგადი ადმინისტრაციული კოდექსი;

დ.ე.) „საჯარო სამსახურის შესახებ“ საქართველოს კანონი;

დ.ვ.) ახალგორის მუნიციპალიტეტის გამგეობის დებულება;

დ.ზ.) კონკურსანტს შიდა აუდიტის სამსახურის მთავარი სპეციალისტის ვაკანტურ თანამდებობაზე დამატებით მოეთხოვება შემდეგი სამართლებრივი აქტების ცოდნა:

დ.ზ.ა.) საქართველოს კანონი „სახელმწიფო შიდა აუდიტისა და ინსპექტირების შესახებ“;

დ.ზ.ბ.) ახალგორის მუნიციპალიტეტის საკრებულოს 2015 წლის 22 იანვრის დადგენილება №5 „ახალგორის მუნიციპალიტეტის გამგეობის სტრუქტურული ერთეულის – შიდა აუდიტის სამსახურის დებულების დამტკიცების შესახებ.

ახალგორის მუნიციპალიტეტის საკრებულოს 2015 წლის 5 მაისის დადგენილება №19 - ვებგვერდი, 11.05.2015წ.

მუხლი 2

ტერიტორიული ორგანოს ხელმძღვანელის თანამდებობის დასაკავებლად , გარდა პირველი მუხლით დადგენილი მოთხოვნებისა , სავალდებულოა არანაკლებ სრული საშუალო განათლება , სასურველია უმაღლესი განათლება , მუშაობის არანაკლებ ერთწლიანი გამოცდილება , სამუშაოთა აღწერილობით დადგენილი ნორმატიული აქტების ცოდნა და საჭირო უნარები .

მუხლი 3

ტერიტორიული ორგანოს სპეციალისტის თანამდებობის დასაკავებლად , გარდა პირველი მუხლით დადგენილი მოთხოვნებისა , სავალდებულოა არანაკლებ სრული საშუალო განათლება , სამუშაოთა აღწერილობით დადგენილი ნორმატიული აქტების ცოდნა და საჭირო უნარები .

მუხლი 4

გამგეობის სამსახურის მთავარი სპეციალისტის თანამდებობის დასაკავებლად, გარდა პირველი მუხლით დადგენილი მოთხოვნებისა, სავალდებულოა არანაკლებ სრული საშუალო განათლება, სასურველია უმაღლესი განათლება, სამუშაოთა აღწერილობით დადგენილი ნორმატიული აქტების ცოდნა და საჭირო უნარები.

მუხლი 5

დადგინდეს ახალგორის მუნიციპალიტეტის ადგილობრივი თვითმმართველობის მოხელეთათვის ტესტირების ეტაპის გადალახვისათვის საჭირო ქულათა მინიმალური ზღვარი – სწორი პასუხების არანაკლებ 50%.

მუხლი 6

ძალადაკარგულად გამოცხადდეს ,,ახალგორის მუნიციპალიტეტის გამგებლის ვაკანტური თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნების დამტკიცების შესახებ“ ახალგორის მუნიციპალიტეტის საკრებულოს 2013 წლის 15 თებერვლის დადგენილება №62 და ,,ახალგორის მუნიციპალიტეტის საკრებულოს აპარატის საორგანიზაციო განყოფილების მთავარი სპეციალისტის ვაკანტური თნამდებობის დასაკავებლად კანდიდატებისათვის დამატებითი საკვალიფიკაციო მოთხოვნების დამტკიცების შესახებ“ საკრებულოს 2013 წლის 24 აპრილის დადგენილება №69.

მუხლი 7

ეს დადგენილება ძალაშია გამოქვეყნებისთანავე.

საკრებულოს თავმჯდომარე თამაზ ბალაშვილი