მსჯავრდებულის მიერ სამეურნეო სამუშაოების შესრულების და მისთვის ანაზღაურების მიცემის წესის დამტკიცების შესახებ

საქართველოს იუსტიციის მინისტრის 2023 წლის 2 დეკემბრის ბრძანება №961 - ვებგვერდი, 04.12.2023 წ.

2. მსჯავრდებული შეიძლება გადაყვანილ იქნეს იმავე ან სხვა ტიპის თავისუფლების აღკვეთის დაწესებულებაში სამეურნეო სამუშაოების შესასრულებლად. ამ შემთხვევაში მასზე ვრცელდება წესები, რომლებიც დადგენილია ამ რისკის მსჯავრდებულთათვის და რომელთა დაცვაც შესაძლებელია სხვა ტიპის თავისუფლების აღკვეთის დაწესებულებაში.

3. მსჯავრდებულის გადაყვანა სხვა პატიმრობის ან თავისუფლების აღკვეთის დაწესებულებაში სამეურნეო სამუშაოების შესასრულებლად ხდება, მსჯავრდებულის წერილობითი განცხადების საფუძველზე, პენიტენციური დეპარტამენტის დირექტორის ბრძანებით.

4. თავისუფლების აღკვეთის დაწესებულებაში სამეურნეო სამუშაოების შესასრულებლად მსჯავრდებულის ჩარიცხვა, მსჯავრდებულის წერილობითი განცხადების საფუძველზე ფორმდება დაწესებულების დირექტორის ბრძანებით.

5. მსჯავრდებულის სამეურნეო სამუშაოებში ჩარიცხვა ხორციელდება მისი ჯანმრთელობის მდგომარეობის გათვალისწინებით დაწესებულების ექიმის რეკომენდაციის საფუძველზე.

6. იმ სამუშაოთა ჩამონათვალი, რომლებზედაც აკრძალულია მსჯავრდებულის დასაქმება, განისაზღვრება თავისუფლების აღკვეთის დაწესებულების დებულებით.

7. დისციპლინური სახდელის მოქმედების პერიოდში მსჯავრდებული არ ჩაირიცხება სამეურნეო სამუშაოების შესასრულებლად.

საქართველოს სასჯელაღსრულებისა და პრობაციის მინისტრის 2016 წლის 20 იანვრის ბრძანება №5 - ვებგვერდი, 20.01.2016წ.

2. სამეურნეო სამუშაოების შესასრულებლად მსჯავრდებულის პატიმრობის დაწესებულებაში დატოვება ფორმდება დაწესებულების დირექტორის ბრძანებით.

2. სამეურნეო სამუშაოებში დასაქმებულ მსჯავრდებულთათვის სპეციალური განმასხვავებელი ნიშნების გაცემისა და ჩაბარების აღრიცხვას აწარმოებს დაწესებულების სამართლებრივი რეჟიმის განყოფილება. სამართლებრივი რეჟიმის განყოფილება ვალდებულია მოსთხოვოს სამეურნეო სამუშაოებში დასაქმებულ მსჯავრდებულს სამუშაოს დასრულების შემდგომ სპეციალური განმასხვავებელი ნიშნის ჩაბარება.

3. სამეურნეო სამუშაოებში ჩარიცხული მსჯავრდებულებისაგან დგება სამუშაო ჯგუფი, რომელსაც შეიძლება ჰყავდეს სამუშაო ჯგუფის უფროსი და სამუშაო ჯგუფის უფროსის მოადგილე.

ა) 1000 და მეტი ბრალდებულია/მსჯავრდებულია, სამუშაო ჯგუფის უფროსის ანაზღაურება თვეში შეადგენს 450 ლარს, სამუშაო ჯგუფის უფროსის მოადგილის – 425 ლარს, ხოლო სამუშაო ჯგუფის წევრი სხვა მსჯავრდებულის – 400 ლარს;

ბ) 1000 ბრალდებულზე/მსჯავრდებულზე ნაკლებია, სამუშაო ჯგუფის უფროსის ანაზღაურება თვეში შეადგენს 350 ლარს, სამუშაო ჯგუფის უფროსის მოადგილის – 325 ლარს, ხოლო სამუშაო ჯგუფის წევრი სხვა მსჯავრდებულის – 300 ლარს.

2. სამეურნეო სამუშაოების შესრულებისათვის ანაზღაურება მსჯავრდებულს ერიცხება პირად საბანკო ანგარიშზე. 

საქართველოს იუსტიციის მინისტრის 2023 წლის 2 დეკემბრის ბრძანება №961 - ვებგვერდი, 04.12.2023 წ.

2. სამეურნეო სამუშაოების შემსრულებელი მსჯავრდებული არ არის საჯარო მოსამსახურე და მასზე არ ვრცელდება „საჯარო სამსახურის შესახებ“ საქართველოს კანონის მოქმედება.

3. მსჯავრდებულთა შრომითი საქმიანობა ხორციელდება პატიმრობის კოდექსითა და საქართველოს შრომის კანონმდებლობით დადგენილი წესით.

4. დაწესებულება ვალდებულია უზრუნველყოს მსჯავრდებულის სიცოცხლისა და ჯანმრთელობისათვის მაქსიმალურად უსაფრთხო სამუშაო გარემოს შექმნა.

2. მსჯავრდებულის სამეურნეო სამუშაოდან ამორიცხვის  საფუძვლებია:

ა) მსჯავრდებულის გადაყვანა სხვა დაწესებულებაში;

ბ) მსჯავრდებულის პირადი განცხადება;

გ) მსჯავრდებულის მიერ სამეურნეო სამუშაოების შეუსრულებლობა;

დ) მსჯავრდებულისათვის  დისციპლინური სახდელის შეფარდება;

ე) მსჯავრდებულის ჯანმრთელობის მდგომარეობა;

ვ) მსჯავრდებულის გარდაცვალება;

ზ) მსჯავრდებულის გათავისუფლება დაწესებულებიდან.

2. სპეციალური განმასხვავებელი ნიშნის აღწერილობა:

ა) სპეციალური განმასხვავებელი ნიშანი მზადდება თეთრი ფერის მასალისაგან, მართკუთხედის ფორმით;

ბ) სპეციალური განმასხვავებელი ნიშნის ზედაპირზე აღინიშნება ნიშნის ნომერი და წარწერა ქართულ ენაზე: „სამეურნეო სამუშაოებში დასაქმებული მსჯავრდებული“;

გ) სპეციალური განმასხვავებელი ნიშანი სპეციალური სამაგრით, თვალსაჩინო ადგილზე, მაგრდება მკერდის მარჯვენა მხარეს.