|
საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის პირველი პუნქტის „გ.ბ.“ ქვეპუნქტის, 61-ე მუხლის მე-2 პუნქტის, „ნორმატიული აქტების შესახებ“ საქართველოს კანონის მე-20 მუხლისა და 22-ე მუხლის პირველი და მე-2 პუნქტების საფუძველზე, გურჯაანის მუნიციპალიტეტის საკრებულო ადგენს: |
| მუხლი 1 |
„გურჯაანის მუნიციპალიტეტის გამგეობის დებულების დამტკიცების შესახებ“ გურჯაანის მუნიციპალიტეტის საკრებულოს 2014 წლის 24 ივლისის №27 დადგენილებით დამტკიცებულ დებულებაში (გამოქვეყნების წყარო: „საქართველოს საკანონმდებლო მაცნე“ (სარეგისტრაციო კოდი: 010260020.35.166.016155., 25.07.2014წ.), შეტანილ იქნეს შემდეგი ცვლილებები და დამატებები:
1.დებულების მე-11 მუხლის მე-4 პუნქტის „ზ“ ქვეპუნქტს დაემატოს „ზ.გ“ ქვეპუნქტი შემდეგი რედაქციით: „ზ.გ. ქალაქ გურჯაანის განყოფილება.“ 2. დებულების მე-11 მუხლის მე-4 პუნქტს დაემატოს შემდეგი შიანარსის „ი“ ქვეპუნქტი: „ი. იურიდიული სამსახური.“ 3. დებულების მე-12 მუხლის პირველი პუნქტი ჩამოყალიბდეს შემდეგი რედაქციით: „1. ადმინისტრაციული სამსახურის ძირითადი ფუნქციებია: გამგეობის სტრუქტურული ერთეულების მუშაობის კოორდინაციისათვის ხელშეწყობა, გამგეობის საქმისწარმოების, საკადრო საკითხთა, ადამიანური რესურსების მართვის, მუნიციპალიტეტის ადმინისტრაციულ ერთეულებთან ურთიერთობის კოორდინაციის, აგრეთვე, გამგეობის საინფორმაციო და საზოგადოებასთან ურთიერთობის უზრუნველყოფა.“ 4. დებულების მე-12 მუხლს დაემატოს შემდეგი 81 პუნქტი შემდეგი რედაქციით: „81. გამგეობის იურიდიული სამსახურის ძირითადი ფუნქციებია: სამსახურების საქმიანობის სამართლებრივი მომსახურება; საჯარო ინფორმაციის რეესტრის წარმოება, საჯარო ინფორმაციის პროაქტიული წესით გამოქვეყნება, საჯარო ინფორმაციის ხელმისაწვდომობა.“
|
| მუხლი 2 |
დადგენილება ამოქმედდეს გამოქვეყნებისთანავე. |
|