აფხაზეთის ავტონომიური რესპუბლიკის მთავრობის
დადგენილება №47
2014 წლის 23 ოქტომბერი
ქ. თბილისი
რეგიონული მართვის საკითხებში აფხაზეთის ავტონომიური რესპუბლიკის მინისტრის აპარატის ლიკვიდაციის შესახებ
„აფხაზეთის ავტონომიური რესპუბლიკის მთავრობის სტრუქტურის, უფლებამოსილებისა და საქმიანობის წესის შესახებ“ აფხაზეთის კანონის 161 მუხლის, „ნორმატიული აქტების შესახებ“ აფხაზეთის ავტონომიური რესპუბლიკის კანონის მე-11 მუხლის, მე-14 მუხლის მე-12 პუნქტის „ა“ ქვეპუნქტისა და 22-ე მუხლის პირველი პუნქტის „ბ“ ქვეპუნქტის შესაბამისად:
1. 2014 წლის 1 დეკემბრიდან ლიკვიდირებულ იქნეს რეგიონული მართვის საკითხებში აფხაზეთის ავტონომიური რესპუბლიკის მინისტრის აპარატი (შემდგომში – მინისტრის აპარატი).
აფხაზეთის ავტონომუირი რესპუბლიკის მთავრობის 2014 წლის 19 ნოემბრის დადგენილება №60 - ვებგვერდი, 19.11.2014 წ.
2. შეიქმნას მინისტრის აპარატის სალიკვიდაციო კომისია (შემდგომში – კომისია) შემდეგი შემადგენლობით:
ნ. ჩხარტიშვილი – აფხაზეთის ავტონომიური რესპუბლიკის ფინანსთა და ეკონომიკის მინისტრის პირველი მოადგილე (კომისიის თავმჯდომარე);
მ. ანუა - რეგიონული მართვის საკითხებში აფხაზეთის ავტონომიური რესპუბლიკის მინისტრის მოადგილე;
ვ. ზაქარაია – აფხაზეთის ავტონომიური რესპუბლიკის იუსტიციის დეპარტამენტის თავმჯდომარის მოადგილე;
გ. ეზუგბაია – აფხაზეთის ავტონომიური რესპუბლიკის მთავრობის აპარატის აღმასრულებელი ხელისუფლების დაწესებულებებთან ურთიერთობისა და სოციალურ საკითხთა დეპარტამენტის უფროსი;
ზ. ზაქარაია – აფხაზეთის ავტონომიური რესპუბლიკის ფინანსთა და ეკონომიკის სამინისტროს ქონების მართვისა და პრივატიზაციის დეპარტამენტის უფროსი;
რ. ცინარიძე – აფხაზეთის ავტონომიური რესპუბლიკის მთავრობის აპარატის შიდა აუდიტის სამსახურის უფროსი.
3. კომისიამ, მინისტრის აპარატის ლიკვიდაციის მიზნით, 2014 წლის 1 დეკემბრამდე უზრუნველყოს კანონმდებლობით გათვალისწინებული საკადრო, მატერიალურ-ტექნიკური, სამართლებრივი და სხვა შესაბამისი ღონისძიებების გატარება, მინისტრის აპარატის ბალანსზე რიცხული ქონების სრული ინვენტარიზაცია და აფხაზეთის ფინანსთა და ეკონომიკის სამინისტროსათვის გადაცემა, ასევე, სალიკვიდაციო ბალანსის შედგენა.
აფხაზეთის ავტონომუირი რესპუბლიკის მთავრობის 2014 წლის 19 ნოემბრის დადგენილება №60 - ვებგვერდი, 19.11.2014 წ.
4. აფხაზეთის ფინანსთა და ეკონომიკის სამინისტრომ (მ. ფარფალია), მინისტრის აპარატის ლიკვიდაციასთან დაკავშირებით უზრუნველყოს „აფხაზეთის ავტონომიური რესპუბლიკის 2014 წლის რესპუბლიკური ბიუჯეტის შესახებ“ აფხაზეთის ავტონომიური რესპუბლიკის კანონში ცვლილების შეტანის თაობაზე“ აფხაზეთის ავტონომიური რესპუბლიკის კანონის პროექტის წარმოდგენა.
41. რეგიონული მართვის საკითხებში აფხაზეთის ავტონომიური რესპუბლიკის მინისტრის მიერ გამოცემული სამართლებრივი აქტები ინარჩუნებს იურიდიულ ძალას აფხაზეთის ავტონომიური რესპუბლიკის მთავრობის ან/და აფხაზეთის ავტონომიური რესპუბლიკის დევნილთა საქმეების დეპარტამენტის მიერ ახალი სამართლებრივი აქტების გამოცემამდე.
აფხაზეთის ავტონომუირი რესპუბლიკის მთავრობის 2014 წლის 19 ნოემბრის დადგენილება №60 - ვებგვერდი, 19.11.2014 წ.
5. 2014 წლის 1 დეკემბრიდან ძალადაკარგულად გამოცხადდეს „აფხაზეთის ავტონომიური რესპუბლიკის მთავრობაში რეგიონული მართვის საკითხებში აფხაზეთის ავტონომიური რესპუბლიკის მინისტრის თანამდებობის შემოღების შესახებ" აფხაზეთის ავტონომიური რესპუბლიკის მთავრობის 2008 წლის 4 აპრილის №3 და „რეგიონული მართვის საკითხებში აფხაზეთის ავტონომიური რესპუბლიკის მინისტრის აპარატის დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2013 წლის 27 დეკემბრის №31 დადგენილებები.
აფხაზეთის ავტონომუირი რესპუბლიკის მთავრობის 2014 წლის 19 ნოემბრის დადგენილება №60 - ვებგვერდი, 19.11.2014 წ.
6. დადგენილების შესრულებაზე კონტროლი უზრუნველყოს აფხაზეთის ავტონომიური რესპუბლიკის მთავრობის აპარატმა (ო. გარმელია).
7. ეს დადგენილება ძალაშია გამოქვეყნებისთანავე.
აფხაზეთის ავტონომიური რესპუბლიკის
მთავრობის თავმჯდომარის
მოვალეობის შემსრულებელი ვახტანგ ყოლბაია