„გადასახადების ადმინისტრირების შესახებ” საქართველოს ფინანსთა მინისტრის 2010 წლის 31 დეკემბრის N996 ბრძანებაში ცვლილების შეტანის თაობაზე

1. 22-ე მუხლის მე-12 პუნქტის:

ა)  „ლ“  და  „მ“  ქვეპუნქტები  ჩამოყალიბდეს  შემდეგი რედაქციით:

„ლ)  საქართველოს საგადასახადო კოდექსის 309-ე მუხლის 50-ე ნაწილის „ა“ ქვეპუნქტის მოთხოვნათა შესაბამისად, „ოკუპირებული ტერიტორიების შესახებ“ საქართველოს კანონით დადგენილ ტერიტორიებზე არსებული ქონების მიხედვით დარიცხული და გადაუხდელი ქონების გადასახადის, მასზე დარიცხული საურავის და ჯარიმის ჩამოწერის თაობაზე საგადასახადო ორგანოს გადაწყვეტილება;

მ) საქართველოს საგადასახადო კოდექსის 309-ე მუხლის 50-ე ნაწილის „ბ“ ქვეპუნქტის მოთხოვნათა შესაბამისად,  „ოკუპირებული ტერიტორიების შესახებ“ საქართველოს კანონით დადგენილი ტერიტორიების მიმდებარედ პირის მფლობელობაში/საკუთრებაში არსებული მიწის მიხედვით დარიცხული და გადაუხდელი ქონების გადასახადის, მასზე დარიცხული საურავისა და ჯარიმის ჩამოწერის თაობაზე საგადასახადო ორგანოს გადაწყვეტილება;“;

ბ)  „მ“ ქვეპუნქტის შემდეგ დაემატოს შემდეგი შინაარსის „ნ“ ქვეპუნქტი:

„ნ) საქართველოს საგადასახადო კოდექსის 309-ე მუხლის  50-ე ნაწილის „გ“ ქვეპუნქტის მოთხოვნათა  შესაბამისად,  პირის  მფლობელობაში/საკუთრებაში  არსებული  ქონების  და მასზე დამაგრებული მიწის მიხედვით დარიცხული თუ გადაუხდელი ქონების გადასახადის, მასზე  დარიცხული  საურავის  და  ჯარიმის  ჩამოწერის  თაობაზე  საგადასახადო  ორგანოს გადაწყვეტილება,  თუ  პირი ამ ქონებით ვერ სარგებლობს იძულებით გადაადგილებულ პირთა − დევნილთა მიერ საცხოვრებლად გამოყენების გამო და ეს ქონება რეგისტრირებულია, როგორც დევნილთა კომპაქტურად (ორგანიზებულად) განსახლების ობიექტი.“.

2. 75²  მუხლის პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:        

„გ) არ გააჩნია აღიარებული საგადასახადო დავალიანება.“.