საქართველოს მთავრობის
განკარგულება №1474
2014 წლის 26 აგვისტო
ქ. თბილისი
„ყაზბეგის მუნიციპალიტეტისათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ“საქართველოს მთავრობის 2014 წლის 16 ივლისის №1249 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად, „ყაზბეგის მუნიციპალიტეტისათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ“საქართველოს მთავრობის 2014 წლის 16 ივლისის №1249 განკარგულებაში შეტანილ იქნეს ცვლილება და განკარგულებას დაემატოს შემდეგი შინაარსის მე-3 პუნქტი:
„3. „გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის დამტკიცების შესახებ“ სსიპ – სახელმწიფო შესყიდვების სააგენტოს თავმჯდომარის 2011 წლის 7 აპრილის №9 ბრძანების მე-19 მუხლის მე-12 პუნქტების შესაბამისად, ყაზბეგის მუნიციპალიტეტს განესაზღვროს განსხვავებული პირობები და ამ განკარგულებით გათვალისწინებული ღონისძიებების ფარგლებში, წინასწარი ანგარიშსწორებისას, თანხის გაცემა განახორციელოს სამუშაოების შემსრულებელი ორგანიზაციის მიერ გარანტიის წარდგენის გარეშე.“.
პრემიერ-მინისტრი ირაკლი ღარიბაშვილი