საქართველოს მთავრობის
განკარგულება №1183
2014 წლის 3 ივლისი
ქ. თბილისი
საქართველოსა და საერთაშორისო განვითარების ასოციაციას (IDA) შორის მოლაპარაკებების შედეგად შეთანხმებულ დაფინანსების ხელშეკრულების პროექტში „ირიგაციისა და მიწის ბაზრის განვითარების პროექტი“ ცვლილების შეტანის შესახებ
1. მიღებულ იქნეს ცნობად საქართველოს ფინანსთა სამინისტროს ინფორმაცია საქართველოსა და საერთაშორისო განვითარების ასოციაციას (IDA) შორის 2014 წლის 18-19 მარტის მოლაპარაკებების შედეგად შეთანხმებულ დაფინანსების ხელშეკრულების პროექტში „ირიგაციისა და მიწის ბაზრის განვითარების პროექტი“ ცვლილების შეტანის თაობაზე.
2. საქართველოს ფინანსთა სამინისტრომ და საქართველოს საგარეო საქმეთა სამინისტრომ უზრუნველყონ საქართველოსა და საერთაშორისო განვითარების ასოციაციას (IDA) შორის მოლაპარაკებების შედეგად შეთანხმებულ დაფინანსების ხელშეკრულების პროექტში „ირიგაციისა და მიწის ბაზრის განვითარების პროექტი“ ცვლილების შეტანის მიზნით საქართველოს კანონმდებლობით გათვალისწინებული პროცედურების განხორციელება.
პრემიერ-მინისტრი ირაკლი ღარიბაშვილი