საჯარო სამართლის იურიდიული პირისათვის – ლევან სამხარაულის სახელობის სასამართლო ექსპერტიზის ეროვნული ბიუროსათვის თავის სარგებლობაში არსებული უძრავი ქონების აუქციონის გარეშე, იჯარით გაცემაზე თანხმობის მიცემის შესახებ

საქართველოს მთავრობის

განკარგულება №1052

2014 წლის 11 ივნისი

ქ. თბილისი

საჯარო სამართლის იურიდიული პირისათვის – ლევან სამხარაულის სახელობის სასამართლო ექსპერტიზის ეროვნული ბიუროსათვის თავის სარგებლობაში არსებული უძრავი ქონების აუქციონის გარეშე, იჯარით გაცემაზე თანხმობის მიცემის შესახებ

„სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, საჯარო სამართლის იურიდიულ პირს – ლევან სამხარაულის სახელობის სასამართლო ექსპერტიზის ეროვნულ ბიუროს მიეცეს თანხმობა, რომ თავის სარგებლობაში არსებული უძრავი ქონება – ქ. თბილისში, ი. ჭავჭავაძის გამზირ №84‑ში, სათავო ცენტრალური ოფისის სერვისცენტრში, I სართულზე მდებარე 10.93 კვ.მ ფართი (მიწის (უძრავი ქონების) საკადასტრო კოდი – №01.14.13.004.002) 1 (ერთი) წლით, წლიური სარგებლობის საფასურით  – 2 400 ( ორი ათას ოთხასი) ლარის ოდენობით, აუქციონის გარეშე, იჯარით გადასცეს სს „ლიბერთი ბანკს“ (საიდენტიფიკაციო კოდი – 203828304), ამავე ბანკის ვაკის სერვისცენტრის განყოფილების განთავსების მიზნით.

პრემიერ-მინისტრი                               ირაკლი ღარიბაშვილი