საქართველოს მთავრობის
განკარგულება №1059
2014 წლის 11 ივნისი
ქ. თბილისი
,,არასამეწარმეო (არაკომერციული) იურიდიული პირის – საქართველოს რაგბის კავშირისათვის სახელმწიფო საკუთრებაში არსებული ქონების უსასყიდლო აღნაგობის ფორმით გადაცემის თაობაზე თანხმობის მიცემის შესახებ“ საქართველოს მთავრობის 2010 წლის 1 სექტემბრის №1151 განკარგულებაში ცვლილების შეტანის თაობაზე
1. საქართველოს ზოგადი ადმინისტრაციული კოდექსის 63-ე მუხლის შესაბამისად, „არასამეწარმეო (არაკომერციული) იურიდიული პირის – საქართველოს რაგბის კავშირისათვის სახელმწიფო საკუთრებაში არსებული ქონების უსასყიდლო აღნაგობის ფორმით გადაცემის თაობაზე თანხმობის მიცემის შესახებ“ საქართველოს მთავრობის 2010 წლის 1 სექტემბრის №1151 განკარგულებაში შეტანილ იქნეს ცვლილება და დანართი ჩამოყალიბდეს თანდართული რედაქციით.
2. ამ განკარგულების შესრულების მიზნით, საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ – სახელმწიფო ქონების ეროვნულმა სააგენტომ განახორციელოს შესაბამისი ღონისძიებები.
პრემიერ-მინისტრი ირაკლი ღარიბაშვილი
„დანართი
| № | მიწის (უძრავი ქონების) საკადასტრო კოდი | მისამართი | არასასოფლო–სამეურნეო დანიშნულების მიწის ფართობი |
| 1 | 03.05.22.337 | ქალაქი ქუთაისი, კ. გამსახურდიას ქ. №65–ის მიმდებარედ | 18830.00 კვ.მ |
| 2 | 03.05.22.097 | ქალაქი ქუთაისი, კ. გამსახურდიას ქ. №61 და კ. გამსახურდიას ქ. №65-ის მიმდებარედ (ყოფ. ნიკეას ქუჩა, ჩიხი IV, №4, ნაკვ. №2) | 55000.00 კვ.მ |
| 3 | 03.05.02.667 | ქალაქი ქუთაისი, კ. გამსახურდიას ქ. №65ა | 3756.20 კვ.მ.“. |