„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „საქართველოს შინაგან საქმეთა სამინისტროს საჯარო სამართლის იურიდიული პირის – „112“-ის მომსახურების საფასურის, მისი განაკვეთისა და გადახდის წესის დამტკიცების შესახებ“ საქართველოს მთავრობის 2011 წლის 27 დეკემბრის №489 დადგენილებაში (www.matsne.gov.ge, 29/12/2011, 040030000.10.003.016649) შეტანილ იქნეს ცვლილება და დადგენილებით დამტკიცებული წესის მე-4 მუხლის 35 და 36 პუნქტები ჩამოყალიბდეს შემდეგი რედაქციით:
„35. 112 უფლებამოსილია კორპორაციული მომხმარებლებისთვის ხელშეკრულების საფუძველზე განსაზღვროს ამ მუხლის 32 პუნქტით გათვალისწინებული მომსახურების საფასურისგან განსხვავებული საფასური.
36. ამ მუხლის 31 და 32 პუნქტების მიზნებისთვის, მექანიკურ სატრანსპორტო საშუალებათა ევაკუატორით ან თავისი სვლით გადაადგილების მანძილი განისაზღვრება ევაკუატორით ან თავისი სვლით გადასაადგილებელი მექანიკური სატრანსპორტო საშუალების საწყისი ადგილმდებარეობიდან მისი ტრანსპორტირების საბოლოო წერტილამდე.“.
|