საქართველოს მთავრობის
განკარგულება №1694
2012 წლის 6 სექტემბერი
ქ. თბილისი
ქ. თბილისის მერიის მიერ ქ. თბილისში სამშენებლო სექტორში დასაქმების მსურველთათვის პროფესიული გადამზადების მომსახურების სახელმწიფო შესყიდვის გამარტივებული შესყიდვის საშუალებით განხორციელების შესახებ
1. „სახელმწიფო შესყიდვების შესახებ“ საქართველოს კანონის 101 მუხლის მე‑3 პუნქტის „დ“ ქვეპუნქტის შესაბამისად, ქ. თბილისის თვითმმართველი ერთეულისა და საზოგადოებრივი ინტერესების გათვალისწინებით, ქ. თბილისის მერიამ ქ. თბილისში სამშენებლო სექტორში დასაქმების მსურველთათვის პროფესიული გადამზადების მომსახურების სახელმწიფო შესყიდვა განახორციელოს გამარტივებული შესყიდვის საშუალებით.
2. ქ. თბილისის მერიამ ამ განკარგულების პირველი პუნქტით განსაზღვრული შესყიდვა განახორციელოს საავანსო თანხასთან დაკავშირებული საბანკო გარანტიის გარეშე.
პრემიერ-მინისტრი ი. მერაბიშვილი