ამბროლაურის მუნიციპალიტეტისათვის საქართველოს მთავრობის სარეზერვო ფონდიდან თანხის გამოყოფის შესახებ

საქართველოს მთავრობის

განკარგულება № 381

2008 წლის 4 ივნისი

ქ. თბილისი

1. მუნიციპალური განვითარების ფონდის მიმართ არსებული სასესხო ვალდებულების დაფარვის მიზნით საქართველოს ფინანსთა სამინისტრომ (ნ. გილაური) „ საქართველოს 2008 წლის სახელმწიფო ბიუჯეტის შესახებ “ საქართველოს კანონით გათვალისწინებული საქართველოს მთავრობის სარეზერვო ფონდიდან ამბროლაურის მუნიციპალიტეტის გამგეობას გამოუყოს 180 665 (ას ოთხმოცი ათას ექვსას სამოცდახუთი) ლარი.

2. განკარგულების შესრულების კონტროლი განახორციელონ საქართველოს ადმინისტრაციულ-ტერიტორიულ ერთეულებში (ამბროლაურის, ლენტეხის, ონისა და ცაგერის მუნიციპალიტეტები) სახელმწიფო რწმუნებულმა – გუბერნატორმა დ. გაგოშიძემ და საქართველოს ფინანსთა მინისტრმა ნ. გილაურმა.

პრემიერ-მინისტრი ვ. გურგენიძე