საქართველოს მთავრობის
განკარგულება №2430
2011 წლის 14 დეკემბერი
ქ. თბილისი
მესტიის მუნიციპალიტეტისათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ
1. საქართველოს ფინანსთა სამინისტრომ „საქართველოს 2011 წლის სახელმწიფო ბიუჯეტის შესახებ“ საქართველოს კანონის მე-18 მუხლის მე-2 პუნქტით გათვალისწინებული საქართველოს რეგიონებში განსახორციელებელი პროექტების ფონდიდან მესტიის მუნიციპალიტეტს გამოუყოს 1 882 500 (ერთი მილიონ რვაას ოთხმოცდაორი ათას ხუთასი) ლარი, მათ შორის:
ა) დაბა მესტიის ცენტრის რეაბილიტაციის მესამე ეტაპის სამუშაოების დასრულებისათვის – 1 500 000 (ერთი მილიონ ხუთასი ათასი) ლარი;
ბ) შესრულებული სამუშაოების ექსპერტიზის ხარჯების დაფინანსებისათვის – 120 000 (ას ოცი ათასი) ლარი;
გ) ავტოსადგომებისა და შიდა გზების მოწყობისათვის – 170 000 (ას სამოცდაათი ათასი) ლარი;
დ) გამგეობის ახალი ადმინისტრაციული შენობის ელექტროენერგიის ქსელში ჩართვისათვის – 42 500 (ორმოცდაორი ათას ხუთასი) ლარი;
ე) ზამთრის სეზონის განმავლობაში ადგილობრივი გზების გაწმენდითი სამუშაოებისა და მესტიის ეთნოგრაფიული მუზეუმისათვის საჭირო დიზელ‑გენერატორის საწვავის შეძენისათვის – 50 000 (ორმოცდაათი ათასი) ლარი.
2. „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, მესტიის მუნიციპალიტეტმა ამ განკარგულების პირველი პუნქტით გათვალისწინებულ ღონისძიებებთან დაკავშირებული სახელმწიფო შესყიდვები განახორციელოს გამარტივებული შესყიდვის საშუალებით.
პრემიერ‑მინისტრი ნ. გილაური