„თვითმმართველი ქალაქის - ბათუმის ტერიტორიაზე მუნიციპალური ავტობუსებით მგზავრთა გადაყვანის ტარიფების დადგენის შესახებ“ თვითმმართველი ქალაქის - ბათუმის საკრებულოს 2011 წლის 15 ივლისის №39 დადგენილებაში ცვლილების შეტანის თაობაზე

  1.  დადგენილების პირველ მუხლს დაემატოს შემდეგი შინაარსის „დ“, „ე“ და  „ვ“ ქვეპუნქტები:

  „დ) სტანდარტული ელექტრონული საბილეთო ბარათის საშუალებით 1 მგზავრობა - 0,3 ლარი;

  ე) შეღავათიანი ელექტრონული საბილეთო ბარათის საშუალებით 1 მგზავრობა – 0,2 ლარი მასწავლებლების, მოსწავლეების, სტუდენტების, პენსიონერებისა და სოციალურად დაუცველი ოჯახების მონაცემთა ერთიან ბაზაში რეგისტრირებული 0-დან 70 000 სარეიტინგო ქულის მქონე და შშმ პირთათვის;

  ვ) ნულოვანი ელექტრონული საბილეთო ბარათის საშუალებით მგზავრობა – უფასო, ბათუმის ხანდაზმულთა სოციალური ცენტრის ბენეფიციარებისა და ომისა და სამხედრო ძალების ვეტერანებისა და მათთან გათანაბრებული პირებისათვის.“.

  2. დადგენილების მე-3 მუხლი ჩამოყალიბდეს ახალი რედაქციით:

„მუხლი 3. მგზავრობისას შეღავათით, შეღავათიანი ან ნულოვანი ელექტრონული ბარათით მოსარგებლე პირებმა თან უნდა იქონიონ შესაბამისი სტატუსის დამადასტურებელი მოწმობები ან/და დოკუმენტები.“.