საქართველოს მთავრობის
განკარგულება №1849
2011 წლის 23 სექტემბერი
ქ. თბილისი
ახალციხის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე
1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების 74 მუხლის საფუძველზე, ახალციხის მუნიციპალიტეტი გათავისუფლდეს სასარგებლო წიაღისეულის მოპოვების ლიცენზიისაგან სამი თვის ვადით და ადიგენის მუნიციპალიტეტში, სოფელ ლელოვანის მიმდებარე ტერიტორიაზე განახორციელოს 21 000 (ოცდაერთი ათასი) მ3 ანდეზიტო-ბაზალტის მოპოვება შემდეგი X და Y კოორდინატების საზღვრებში:
| № | x | y |
| 1 | 308536 | 4610915 |
| 2 | 308376 | 4610865 |
| 3 | 308361 | 4610906 |
| 4 | 308523 | 4610953 |
| S=0.7 ჰა. |
2. ახალციხის მუნიციპალიტეტის გამგეობამ უზრუნველყოს სსიპ – ბუნებრივი რესურსების სააგენტოს შესაბამისი დასკვნით განსაზღვრული პირობების შესრულება.
3. ახალციხის მუნიციპალიტეტის გამგეობამ უზრუნველყოს საქართველოს სახელმწიფო ბიუჯეტში 10 000 (ათი ათასი) ლარის გადახდა.
პრემიერ-მინისტრი ნ. გილაური