საქართველოს მთავრობის
განკარგულება №2400
2011 წლის 8 დეკემბერი
ქ. თბილისი
„საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ“ საქართველოს მთავრობის 2011 წლის 1 აპრილის №735 განკარგულებაში ცვლილების შეტანის თაობაზე
1. საქართველოს ზოგადი ადმინისტრაციული კოდექსის 63-ე მუხლის შესაბამისად, „საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ“ საქართველოს მთავრობის 2011 წლის 1 აპრილის №735 განკარგულებაში შეტანილ იქნეს ცვლილება და №9 დანართის მე-2 პუნქტი ჩამოყალიბდეს შემდეგი რედაქციით:
„2. ლენტეხის მუნიციპალიტეტს – 250 000 (ორას ორმოცდაათი ათასი) ლარი შემდეგი პროექტების განსახორციელებლად:
ა) სოფელ რცხმელურში ნაპირსამაგრი სამუშაოები;
ბ) სოფელ ტვიბში ხიდის მშენებლობა;
გ) მუნიციპალიტეტში გზების რეაბილიტაცია;
დ) სოფელ ლესემაში მდინარე ხელედურაზე ხიდის ბურჯის დამცავი ჯებირის მოწყობა;
ე) დაბა ლენტეხში მოსახლეობის დამცავი ნიაღვარსაწინააღმდეგო ბეტონის კედლის მოწყობა;
ვ) სოფელ რცხმელურის წყალსადენის რეაბილიტაცია;
ზ) ლენტეხის კულტურის სახლის სარდაფის დატბორვის საწინააღმდეგო ღონისძიებები;
თ) მდინარე ხელედურაზე სოფელ წანაშის საავტომობილო ხიდის სავალი ნაწილის რეაბილიტაცია;
ი) მდინარე ცხენისწყალზე სოფელ ჭველფის საავტომობილო ხიდის სავალი ნაწილის რეაბილიტაცია.“.
2. „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ “ ქვეპუნქტის შესაბამისად, ლენტეხის მუნიციპალიტეტმა მდინარე ცხენისწყალზე, სოფელ ჭველფის საავტომობილო ხიდის სავალი ნაწილის რეაბილიტაციის სამუშაოების სახელმწიფო შესყიდვა განახორციელოს გამარტივებული შესყიდვის საშუალებით.
პრემიერ-მინისტრი ნ. გილაური