საქართველოს მთავრობის
განკარგულება №725
2014 წლის 23 აპრილი
ქ. თბილისი
საქართველოს მთავრობის კანცელარიის მიერ სახელმწიფო შესყიდვების გამარტივებული შესყიდვის საშუალებით განხორციელების შესახებ
„სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის საფუძველზე, საქართველოს მთავრობის კანცელარიამ საქართველოს პრემიერ-მინისტრის საგანმანათლებლო ინიციატივების საზოგადოებისათვის გასაცნობად, საინფორმაციო ვიდეორგოლის დამზადების, მისი სატელევიზიო სივრცეში განთავსების, პოლიგრაფიული მომსახურების, შეხვედრის ჩასატარებლად საჭირო დარბაზით მომსახურების, საკანცელარიო საქონლისა და ყოველივე ზემოაღნიშნულთან დაკავშირებული სხვა სახის საქონლისა და მომსახურების სახელმწიფო შესყიდვები განახორციელოს გამარტივებული შესყიდვის საშუალებით, მისთვის გამოყოფილი 2014 წლის საბიუჯეტო ასიგნებების ფარგლებში, ამ განკარგულების ძალაში შესვლიდან 2 თვის განმავლობაში.
პრემიერ-მინისტრი ირაკლი ღარიბაშვილი