საქართველოს მთავრობის
განკარგულება №488
2014 წლის 26 მარტი
ქ. თბილისი
სს ,,ენერგო-პრო ჯორჯიასათვის“ სახელმწიფო ტყის ფონდით სპეციალური დანიშნულებით სარგებლობის ვადის განსაზღვრის შესახებ
საქართველოს ტყის კოდექსის 52-ე მუხლისა და „ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებით დამტკიცებული ,,ტყითსარგებლობის წესის“ 271 მუხლის პირველი პუნქტის საფუძველზე, თიანეთის მუნიციპალიტეტის სოფელ გრძელველის ტერიტორიაზე 10 კვ.ტ ელექტროგადამცემი ხაზის მშენებლობის მიზნით, სს ,,ენერგო-პრო ჯორჯიას“, საქართველოს გარემოსა და ბუნებრივი რესურსების დაცვის სამინისტროს სსიპ – ეროვნული სატყეო სააგენტოს მართვას დაქვემდებარებულ, თიანეთის მუნიციპალიტეტის ტერიტორიაზე არსებული სახელმწიფო ტყის ფონდის, თიანეთის სატყეო უბნის, ბოჭორმის სატყეოს კვარტალ №32-ში 8678,64 კვ.მ ფართობით და მის მიმდებარედ, ყოფილ საკოლმეურნეო ტყეში 6476,08 კვ.მ ფართობით სპეციალური დანიშნულებით სარგებლობის (ხე-მცენარეების მოჭრის უფლებით) ვადა განესაზღვროს არაუმეტეს 49 წლით.
პრემიერ-მინისტრი ირაკლი ღარიბაშვილი