|
,,თვითმმართველ ქალაქ ფოთში სპორტსმენთა ხელშეწყობის პროგრამის დამტკიცების შესახებ” თვითმმართველი ქალაქის - ფოთის საკრებულოს 2014 წლის 28 თებერვლის №6/5 დადგენილებაში ცვლილების შეტანის თაობაზე
|
„ნორმატიული აქტების შესახებ“ საქართველოს კანონის მე-20 მუხლის შესაბამისად, თვითმმართველი ქალაქის - ფოთის საკრებულომ დაადგინა: |
| მუხლი 1 |
შეტანილ იქნეს ცვლილება ,,თვითმმართველ ქალაქ ფოთში სპორტსმენთა ხელშეწყობის პროგრამის დამტკიცების შესახებ” თვითმმართველი ქალაქის-ფოთის საკრებულოს 2014 წლის 28 თებერვლის №6/5 დადგენილებაში (ვებგვერდი, 10/03/2014, სარეგისტრაციო კოდი 010250020.35.111.016195), კერძოდ: |
1.
ძალადაკარგულად გამოცხადდეს დადგენილებით დამტკიცებული დანართი №1-ის მე-5 მუხლის მე–6 პუნქტის ,,თ“ ,,თ. ა“ ,,თ. ბ“ ქვეპუნქტები. |
2.
დადგენილებით დამტკიცებულ დანართ №1-ს დაემატოს 5I მუხლი შემდეგი რედაქციით
,,მუხლი 5I 1.დაწესდეს შემდეგი ერთჯერადი ფულადი ჯილდო საქართველოს სპორტისა და ახალგაზრდობის საქმეთა სამინისტროს მიერ წოდების მინიჭების შემთხვევაში: ა)დამსახურებულ მწვრთნელზე გაიცეს 500 ლარი; ბ)დამსახურებულ მოღვაწეზე (მუშაკი) გაიცეს 500 ლარი.“ |
3.
დადგენილებით დამტკიცებული დანართი №1-ის მე-6 მუხლი ჩამოყალიბდეს შემდეგი რედაქციით:
,,მუხლი 6 დაჯილდოებასთან დაკავშირებით თვითმმართველი ქალაქის - ფოთის საკრებულოს თავმჯდომარის ბრძანების პროექტს ამზადებს და თვითმმართველი ქალაქის - ფოთის მერს წარუდგენს თვითმმართველი ქალაქის - ფოთის მერიის სპორტის სამსახური.“ |
4.
დადგენილებით დამტკიცებული დანართი №1-ის მე-7 მუხლი ჩამოყალიბდეს შემდეგი რედაქციით:
,,მუხლი 7 დაჯილდოებასთან დაკავშირებით გამოიცემა თვითმმართველი ქალაქი – ფოთის საკრებულოს თავმჯდომარის ბრძანება.“ |
| მუხლი 2 |
1.
პირველი მუხლის ,,ბ" ქვეპუნქტის მოქმედება ასევე გავრცელდეს იმ პირებზე, რომელთა მიმართაც არ განხორციელებულა ფინანსური წახალისება 2013 საბიუჯეტო წლის ასიგნებების ფარგლებში. |
2.
დადგენილება ამოქმედდეს გამოქვეყნებისთანავე და მისი მოქმედება გავრცელდეს 2014 წლის 1 იანვრიდან წარმოშობილ სამართლებრივ ურთიერთობებზე. |
|