საქართველოს მთავრობის
განკარგულება №1274
2012 წლის 5 ივლისი
ქ. თბილისი
„სოფლის საგაზაფხულო სამუშაოების ხელშეწყობის ღონისძიებათა შესახებ“ საქართველოს მთავრობის 2011 წლის 27 დეკემბრის №2588 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63‑ე მუხლის შესაბამისად, „სოფლის საგაზაფხულო სამუშაოების ხელშეწყობის ღონისძიებათა შესახებ“ საქართველოს მთავრობის 2011 წლის 27 დეკემბრის №2588 განკარგულებაში შეტანილ იქნეს ცვლილება და განკარგულებით დამტკიცებული №2 დანართის – „ვაუჩერის დარიგების და ანაზღაურების წესის“ მე-2 მუხლს დაემატოს შემდეგი შინაარსის მე-11 პუნქტი:
„11. თუ ვაუჩერების დარიგების შემდეგ გამოვლინდა ბეჭდვისას, შევსებისას ან სხვაგვარი დაზიანებით გამოწვეული ხარვეზები/უზუსტობები, ასევე საჭიროა იმ ოჯახების იდენტიფიცირება, რომელთაც გააჩნიათ ელექტროენერგიის საერთო მოხმარების მრიცხველი ან დაბეჭდილ ვაუჩერზე ასახული რომელიმე მონაცემი არ შეესაბამება იმ პირის მონაცემებს, რომელზეც უფლებამოსილი პირის მიერ გაიცა ვაუჩერი , რაც აფერხებს ვაუჩერის დადგენილი წესით განაღდების პროცესს, უფლებამოსილი პირი ინდივიდუალურად განიხილავს თითოეულ შემთხვევას და უფლებამოსილია მიიღოს გადაწყვეტილება გაცემული ვაუჩერის დამოწმების თაობაზე.“.
პრემიერ‑მინისტრი ივანე მერაბიშვილი