საქართველოს მთავრობის
განკარგულება №1246
2012 წლის 25 ივნისი
ქ. თბილისი
საქართველოს განათლებისა და მეცნიერების სამინისტროს მმართველობის სფეროში მოქმედი სსიპ – საქართველოს მეცნიერებათა ეროვნული აკადემიის მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ
„სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად განხორციელების მიზნით, საქართველოს განათლებისა და მეცნიერების სამინისტროს მმართველობის სფეროში მოქმედმა სსიპ – საქართველოს მეცნიერებათა ეროვნულმა აკადემიამ გარდაცვლილი აკადემიკოსის – თენგიზ ონიანის სასაფლაოს მოწყობის სახელმწიფო შესყიდვა განახორციელოს გამარტივებული შესყიდვის საშუალებით, „საქართველოს 2012 წლის სახელმწიფო ბიუჯეტის შესახებ“ საქართველოს კანონით სსიპ – საქართველოს მეცნიერებათა ეროვნული აკადემიისათვის გამოყოფილი ასიგნებებიდან (პროგრამული კოდი – 32 04 03).
პრემიერ-მინისტრი ნიკა გილაური