საქართველოს მთავრობის
განკარგულება №655
2012 წლის 12 აპრილი
ქ. თბილისი
„მუხურა-ტყიბულის დაბალი წნევის (1,2 მგპა-მდე) გაზსადენის მშენებლობის უზრუნველყოფის შესახებ“ საქართველოს მთავრობის 2012 წლის 23 მარტის № 502 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად, „მუხურა-ტყიბულის დაბალი წნევის (1,2 მგპა-მდე) გაზსადენის მშენებლობის უზრუნველყოფის შესახებ“ საქართველოს მთავრობის 2012 წლის 23 მარტის №502 განკარგულებაში შეტანილ იქნეს შემდეგი ცვლილება:
1. განკარგულების „ა“ და „ბ“ ქვეპუნქტები ჩამოყალიბდეს შემდეგი რედაქციით:
„ა) შპს „საქართველოს გაზის ტრანსპორტირების კომპანიამ“ საკუთარი სახსრებით უზრუნველყოს სათანადო საპროექტო და სამშენებლო სამუშაოების განხორციელება;
ბ) „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, შპს „საქართველოს გაზის ტრანსპორტირების კომპანიამ“ ამ განკარგულების შესრულების მიზნით საჭირო სამშენებლო სამუშაოების შესყიდვა განახორციელოს გამარტივებული შესყიდვის საშუალებით.“.
2. განკარგულებას დაემატოს შემდეგი შინაარსის „ბ1“ ქვეპუნქტი:
„ბ1) საქართველოს მთავრობის 2011 წლის 23 სექტემბრის №372 დადგენილებით დამტკიცებული „შპს „საქართველოს გაზის ტრანსპორტირების კომპანიისთვის“ საქონლისა და მომსახურების შესყიდვების სპეციალური წესის“ მე-6 მუხლის მე-2 პუნქტის „ვ“ ქვეპუნქტის შესაბამისად, შპს „საქართველოს გაზის ტრანსპორტირების კომპანიამ“ ამ განკარგულების შესრულების მიზნით საჭირო საქონლის და მომსახურების შესყიდვა განახორციელოს გამარტივებული შესყიდვის საშუალებით;“.
პრემიერ-მინისტრი ნ. გილაური