საქართველოს მთავრობის
განკარგულება №653
2012 წლის 12 აპრილი
ქ. თბილისი
საქართველოს კულტურისა და ძეგლთა დაცვის სამინისტროს მიერ განსახორციელებელი ღონისძიების შესახებ
„საქართველოს 2012 წლის სახელმწიფო ბიუჯეტის შესახებ“ საქართველოს კანონის 36-ე მუხლის შესაბამისად, საქართველოს კულტურისა და ძეგლთა დაცვის სამინისტრომ, წლიური საბიუჯეტო კანონით „ხელოვნების დარგების განვითარების ხელშეწყობა და პოპულარიზაცია საქართველოში და მისი ფარგლების გარეთ“ პროგრამისათვის გათვალისწინებული ასიგნებებიდან განახორციელოს საჯარო სამართლის იურიდიული პირის – საქართველოს ხალხური სიმღერისა და ცეკვის სახელმწიფო აკადემიურ ანსამბლ „ერისიონის“ ადმინისტრაციულ-ტექნიკური პერსონალისა და მომღერალ-მოცეკვავე მსახიობთა ხელფასების ანაზღაურებასთან დაკავშირებული ხარჯების დაფინანსება 125 000 (ას ოცდახუთი ათასი) ლარის ოდენობით.
პრემიერ-მინისტრი ნ. გილაური