საქართველოს ფინანსთა სამინისტროსა და საქართველოს ეროვნულ ბანკს შორის სასამართლოში მიმდინარე დავის მორიგებით დამთავრების მიზნით მიღწეული შეთანხმების ზოგიერთ ღონისძიებათა უზრუნველყოფის შესახებ

საქართველოს მთავრობის

განკარგულება №640

2012 წლის 5 აპრილი

ქ. თბილისი

საქართველოს ფინანსთა სამინისტროსა და საქართველოს ეროვნულ ბანკს შორის სასამართლოში მიმდინარე დავის მორიგებით დამთავრების მიზნით მიღწეული შეთანხმების ზოგიერთ ღონისძიებათა უზრუნველყოფის შესახებ

 1. საქართველოს ფინანსთა სამინისტროსა და საქართველოს ეროვნულ ბანკს შორის სასამართლოში მიმდინარე დავის მორიგებით დამთავრების მიზნით მოწონებულ იქნეს საქართველოს ფინანსთა სამინისტროს წინადადება „საქართველოს ფინანსთა სამინისტროსა და საქართველოს ეროვნულ ბანკს შორის სასამართლო დავის მორიგებით დამთავრების მიზნით მიღწეული შეთანხმების ზოგიერთ ღონისძიებათა უზრუნველყოფის შესახებ“.

 2. საქართველოს ეკონომიკისა და მდგრადი განვითარების სამინისტრომ საქართველოს ფინანსთა სამინისტროსა და საქართველოს ეროვნულ ბანკს შორის სასამართლო დავის მორიგებით დასასრულებლად უზრუნველყოს სახელმწიფო ქონების, კერძოდ, არასასოფლო-სამეურნეო დანიშნულების მიწის ნაკვეთისა (2724.00 კვ.მ) და მასზე არსებული შენობა-ნაგებობის (172.84 კვ.მ) (მდებარე ქ. თბილისში, სანდრო ეულის ქ. №7, ნაკვ.07/071, მიწის (უძრავი ქონების) ს.კ – 01.14.05.007.071) სიმბოლურ ფასად საქართველოს ეროვნული ბანკისთვის პირდაპირი მიყიდვის ფორმით საკუთრებაში გადაცემის მიზნით კანონმდებლობით დადგენილი შესაბამისი ღონისძიებების განხორციელება.

3. ძალადაკარგულად გამოცხადდეს „საქართველოს ფინანსთა სამინისტროსა და საქართველოს ეროვნულ ბანკს შორის სასამართლოში მიმდინარე დავის მორიგებით დამთავრების მიზნით მიღწეული შეთანხმების ზოგიერთ ღონისძიებათა უზრუნველყოფის შესახებ“ საქართველოს მთავრობის 2010 წლის 15 ივლისის №940 განკარგულება.

პრემიერ-მინისტრი                                                  ნ. გილაური