საქართველოს მთავრობის
განკარგულება №520
2012 წლის 23 მარტი
ქ. თბილისი
სახელმწიფო საკუთრებაში მიქცეული მექანიკური სატრანსპორტო საშუალებების, მათი მისაბმელების ან ნაწილების ელექტრონული აუქციონის (ინტერნეტ‑აუქციონის) ფორმით რეალიზაციის ხელშეწყობის მიზნით „ავტორიზებული პირის“ მომსახურების სახელმწიფო შესყიდვის გამარტივებული შესყიდვის საშუალებით განხორციელების თაობაზე
1. „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, სახელმწიფო საკუთრებაში მიქცეული მექანიკური სატრანსპორტო საშუალებების, მათი მისაბმელების ან ნაწილების რეალიზაციის შეზღუდულ ვადებში შეუფერხებლად განხორციელების მიზნით, საჯარო სამართლის იურიდიულმა პირმა – საქართველოს ფინანსთა სამინისტროს მომსახურების სააგენტომ აღნიშნული ქონების ელექტრონული აუქციონის ფორმით რეალიზაციისას, „ავტორიზებული პირის“ მომსახურების სახელმწიფო შესყიდვა განახორციელოს გამარტივებული შესყიდვის საშუალებით.
2. განკარგულება ძალაშია ხელმოწერის დღიდან და მოქმედებს 2012 წლის 31 დეკემბრის ჩათვლით.
პრემიერ-მინისტრი ნ. გილაური