საქართველოს მთავრობის
განკარგულება № 495
2012 წლის 23 მარტი
ქ. თბილისი
სახაზინო (საბიუჯეტო) დაწესებულებების მიერ ადამიანური რესურსების მართვის ავტომატიზებული სისტემის სტანდარტის შესაბამისი ელექტრონული პროგრამის სახელმწიფო შესყიდვის გამარტივებული შესყიდვის საშუალებით განხორციელების შესახებ
„სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით, შემსყიდველმა ორგანიზაციებმა ადამიანური რესურსების მართვის ავტომატიზებული სისტემის სტანდარტის შესაბამისი ელექტრონული პროგრამის სახელმწიფო შესყიდვა განახორციელონ გამარტივებული შესყიდვის საშუალებით.
პრემიერ - მინისტრი ნ . გილაური