საჯარო სამართლის იურიდიული პირის – საქართველოს მუნიციპალური განვითარების ფონდის მიერ სახელმწიფო პროგრამა „იაფი კრედიტის“ ფარგლებში გაცემული სესხების გადახდევინებასთან დაკავშირებულ საქმეებზე აღსრულების საფასურის გადახდის თაობაზე

საქართველოს მთავრობის

განკარგულება №400

2012 წლის 7 მარტი

ქ. თბილისი

 საჯარო სამართლის იურიდიული პირის – საქართველოს მუნიციპალური განვითარების ფონდის მიერ სახელმწიფო პროგრამა „იაფი კრედიტის“ ფარგლებში გაცემული სესხების გადახდევინებასთან დაკავშირებულ საქმეებზე აღსრულების საფასურის გადახდის თაობაზე

1. საჯარო სამართლის იურიდიულმა პირმა – საქართველოს მუნიციპალური განვითარების ფონდმა, სახელმწიფო პროგრამა „იაფი კრედიტის“ ფარგლებში გაცემული სესხების გადახდევინებასთან დაკავშირებულ საქმეებზე, „სააღსრულებო წარმოებათა შესახებ“ საქართველოს კანონის 38-ე მუხლის შესაბამისად, აღსრულების საფასურის გადახდა განახორციელოს „საქართველოს 2012 წლის სახელმწიფო ბიუჯეტის შესახებ“ საქართველოს კანონით სსიპ – საქართველოს მუნიციპალური განვითარების ფონდისათვის გამოყოფილი „რეგიონული და მუნიციპალური ინფრასტრუქტურის რეაბილიტაციის“ მუხლით (პროგრამული კოდი: 25 03) და „საქართველოს 2012 წლის სახელმწიფო ბიუჯეტის და ნაერთი ბიუჯეტის შემოსავლების, არაფინანსური აქტივების კლებისა და ფინანსური აქტივების კლების კვარტალური განწერის დამტკიცების თაობაზე“ საქართველოს ფინანსთა მინისტრის 2011 წლის 30 დეკემბრის №643 ბრძანებით დამტკიცებული „საქართველოს მუნიციპალური განვითარების ფონდის მიერ განსახორციელებელი პროექტების“ (პროგრამული კოდი: 25 03 01) მუხლით განსაზღვრული ასიგნებებიდან.

2. ამ განკარგულების მოქმედება გავრცელდეს 2012 წლის 1 თებერვლიდან წარმოშობილ სამართლებრივ ურთიერთობებზე.

პრემიერ-მინისტრი                                                            ნ. გილაური