საქართველოს მთავრობის
განკარგულება № 22
2012 წლის 18 იანვარი
ქ. თბილისი
საჯარო სამართლის იურიდიული პირის – სახელმწიფო ზრუნვის სააგენტოს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ
„სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით, საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულმა სსიპ – სახელმწიფო ზრუნვის სააგენტომ თავისი ბენეფიციარებისათვის 2012 წლის განმავლობაში საჭირო სამედიცინო მომსახურების სახელმწიფო შესყიდვა განახორციელოს გამარტივებული შესყიდვის საშუალებით, „საქართველოს 2012 წლის სახელმწიფო ბიუჯეტის შესახებ“ საქართველოს კანონით სახელმწიფო ზრუნვის პროგრამისათვის (პროგრამული კოდი – 35 01 05) გათვალისწინებულ ასიგნებათა ფარგლებში.
პრემიერ‑მინისტრი ნ . გილაური