სოფელ ანაკლიასა და სოფელ განმუხურს შორის დამაკავშირებელი საავტომობილო გზისა და მდინარე ენგურზე სახიდე გადასასვლელის მშენებლობის ნებართვის გამარტივებული წესით გაცემისა და ექსპლუატაციაში მიღებისათვის განსახორციელებელ ღონისძიებათა შესახებ

სოფელ ანაკლიასა და სოფელ განმუხურს შორის დამაკავშირებელი საავტომობილო გზისა და მდინარე ენგურზე სახიდე გადასასვლელის მშენებლობის ნებართვის გამარტივებული წესით გაცემისა და ექსპლუატაციაში მიღებისათვის განსახორციელებელ ღონისძიებათა შესახებ

საქართველოს მთავრობის

განკარგულება № 857

2010 წლის 3 ივლისი

ქ. თბილისი

სოფელ ანაკლიასა და სოფელ განმუხურს შორის დამაკავშირებელი საავტომობილო გზისა და მდინარე ენგურზე სახიდე გადასასვლელის მშენებლობის ნებართვის გამარტივებული წესით გაცემისა და ექსპლუატაციაში მიღებისათვის განსახორციელებელ ღონისძიებათა შესახებ

ქვეყნისათვის განსაკუთრებული სოციალურ-ეკონომიკური მნიშვნელობიდან გამომდინარე, „მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2009 წლის 24 მარტის № 57 დადგენილების 39-ე მუხლის მე-5 პუნქტის შესაბამისად, საქართველოს ეკონომიკისა და მდგრადი განვითარების სამინისტრომ წარდგენილი საპროექტო დოკუმენტაციისა და თანდართული ტექნიკური დასკვნების საფუძველზე, გასცეს სოფელ ანაკლიასა და სოფელ განმუხურს შორის დამაკავშირებელი საავტომობილო გზისა და მდინარე ენგურზე სახიდე გადასასვლელის მშენებლობის ნებართვა გამარტივებული წესით და განახორციელოს აღნიშნული ობიექტის ექსპლუატაციაში მიღება.

პრემიერ-მინისტრი                    ნ . გილაური