საქართველოს მთავრობის
განკარგულება №1036
2013 წლის 6 აგვისტო
ქ. თბილისი
„საქართველოს 2013 წლის სახელმწიფო ბიუჯეტის შესახებ“ საქართველოს კანონის 23-ე მუხლით გათვალისწინებულ შეზღუდვაზე საქართველოს გარემოს დაცვის სამინისტროსათვის გამონაკლისის დაშვების თაობაზე“ საქართველოს მთავრობის 2013 წლის 11 იანვრის №7 განკარგულებაში ცვლილების შეტანის შესახებ
საქართველოს ზოგადი ადმინისტრაციული კოდექსის 63-ე მუხლისსაფუძველზე, შეტანილ იქნეს ცვლილება „საქართველოს 2013 წლის სახელმწიფო ბიუჯეტის შესახებ“ საქართველოს კანონის 23-ე მუხლით გათვალისწინებულ შეზღუდვაზე საქართველოს გარემოს დაცვის სამინისტროსათვის გამონაკლისის დაშვების თაობაზე“ საქართველოს მთავრობის 2013 წლის 11 იანვრის №7 განკარგულებაში და ტექსტი ჩამოყალიბდეს შემდეგი რედაქციით:
„საქართველოს 2013 წლის სახელმწიფო ბიუჯეტის შესახებ“ საქართველოს კანონის 23-ე მუხლის მე-7 პუნქტის საფუძველზე, საქართველოს გარემოსა და ბუნებრივი რესურსების დაცვის სამინისტროზე არ გავრცელდეს „საქართველოს 2013 წლის სახელმწიფო ბიუჯეტის შესახებ“ საქართველოს კანონის 23-ე მუხლის პირველი პუნქტით გათვალისწინებული შეზღუდვა და სამინისტროს მიეცეს თანხმობა 2013 წლის განმავლობაში ხელშეკრულებით დაქირავებულთა რაოდენობა განსაზღვროს 20 ერთეულით.
პრემიერ-მინისტრი ბ. ივანიშვილი