საქართველოს მთავრობის
განკარგულება №443
2007 წლის 22 აგვისტო
ქ. თბილისი
შიდა ქართლის რეგიონალური სატყეო სამმართველოს კასპის სატყეო უბნის მიწებიდან 1.124 ჰექტარი ფართობის ამორიცხვის შესახებ
1. „სახელმწიფო ტყის ფონდის მიწებიდან ფართობების ამორიცხვისა და ჩარიცხვის შესახებ“ დებულების დამტკიცების თაობაზე საქართველოს მთავრობის 2007 წლის 10 მაისის №96 დადგენილების შესაბამისად მოწონებულ იქნეს საქართველოს ეკონომიკური განვითარების სამინისტროს სახელმწიფო საქვეუწყებო დაწესებულების – საავტომობილო გზების დეპარტამენტის წინადადება, საქართველოს მიწის გამოყენებისა და დაცვის სახელმწიფო კომისიის რეკომენდაცია (კომისიის 2007 წლის 26 ივლისის სხდომის ოქმი №19) და ნატახტარი-აღაიანის საავტომობილო მაგისტრალის მშენებლობის საჭიროებიდან გამომდინარე სახელმწიფო ტყის ფონდის მიწებიდან ამოირიცხოს 1.124 ჰექტარი ფართობი საქართველოს კანონმდებლობის შესაბამისად გადაცემის მიზნით, აქედან: შიდა ქართლის რეგიონალური სატყეო სამმართველოს კასპის სატყეო უბუნის №11 კვარტალის №20 ლიტერიდან – 0.288 ჰექტარი, №12 კვარტალის №3 ლიტერიდან – 0.56 ჰექტარი, №12 კვარტალის №6 ლიტერიდან – 0.276 ჰექტარი.
2. განკარგულება ძალაშია ხელმოწერის დღიდან.
პრემიერ-მინისტრი ზ. ნოღაიდელი