„ყაზბეგის მუნიციპალიტეტის ტერიტორიაზე რეგისტრირებული და მუდმივად მცხოვრები მოსახლეობის ადგილობრივი ბიუჯეტიდან დამატებითი სამედიცინო მომსახურებისა და სოციალური დახმარების დაფინანსების წესის დამტკიცების შესახებ“ ყაზბეგის მუნიციპალიტეტის საკრებულოს 2013 წლის 3 დეკემბრის N21 დადგენილებაში ცვლილების შეტანის თაობაზე

1. დადგენილებით დამტკიცებული დანართი №1-ის   პირველი მუხლის პირველი პუნქტი ამოღებულია;

2. დადგენილებით დამტკიცებული დანართი №1-ის პირველი მუხლის მე-2 პუნქტი  ჩამოყალიბდეს შემდეგი სახით:

 ,,ყაზბეგის მუნიციპალიტეტის ტერიტორიაზე რეგისტრირებული და მუდმივად მცხოვრები მოსახლეობისათვის საყოველთაო ჯანდაცვის პროგრამით გათვალისწინებული 70%-იანი დაფინანსების შემდგომ არაუმეტეს 500 (ხუთასი) ლარისა ანაზღაურდება:

ა)  ღვიძლის ფუნქციების სინჯები;

ბ) ფარისებრი ჯირკვლის ფუნქციური სინჯი;

გ)  მუცლის ღრუს ექოსკოპია;

დ) გულმკერდის რენტგენოსკოპია /რენტგენოგრაფია/“.

3. დადგენილებით დამტკიცებული დანართი №1-ის პირველი მუხლის მე-3 პუნქტი ჩამოყალიბდეს შემდეგი რედაქციით:

,,ყველა სახის გადაუდებელი და სასწრაფო მდგომარეობის მართვა საყოველთაო ჯანდაცვის პროგრამით დაფინანსებული  70%-ის გარდა ანაზღაურდება არაუმეტეს 500 (ხუთასი) ლარისა“.

4. დადგენილებით დამტკიცებული დანართი №1-ის მე-6 მუხლის პირველი პუნქტი  ჩამოყალიბდეს შემდეგი სახით:

,,დახმარება გაიცემა ადგილობრივი ბიუჯეტიდან ერთჯერადად 250 (ორას ორმოცდაათი) ლარის ოდენობით“.

5. დადგენილებით დამტკიცებული დანართი №1-ის  მე-9 მუხლს  დაემატოს შემდეგი სახის მე-16 პუნქტი:

,,16. ყაზბეგის მუნიციპალიტეტში რეგისტრირებული და მუდმივად მცხოვრები მოსახლეობისათვის ადგილობრივი ბიუჯეტიდან დამატებითი სამედიცინო დახმარების გაწევისათვის აუცილებელია სავალდებულო დოკუმენტაციას თან ახლდეს შესაბამისი რწმუნებულის შუამდგომლობა.“.