საქართველოს ეკონომიკური განვითარების სამინისტროსა და შპს „ენერგო-პრო ჯორჯიას“ შორის დამატებითი წერილობითი ხელშეკრულების გაფორმებაზე თანხმობის მიცემის შესახებ

საქართველოს მთავრობის

განკარგულება №17

2009 წლის 15 იანვარი

ქ. თბილისი

საქართველოს ეკონომიკური განვითარების სამინისტროსა და შპს „ენერგო-პრო ჯორჯიას“ შორის დამატებითი წერილობითი ხელშეკრულების გაფორმებაზე თანხმობის მიცემის შესახებ

„სახელმწიფო ქონების და ადგილობრივი თვითმმართველი ერთეულის ქონების პრივატიზებისა და სარგებლობის უფლებით გადაცემის შესახებ“ საქართველოს კანონის მე-10 მუხლის მე-2 პუნქტის საფუძველზე:

1. მოწონებულ იქნეს საქართველოს ეკონომიკური განვითარების სამინისტროსა და შპს „ენერგო-პრო ჯორჯიას“ შორის გასაფორმებელი დამატებითი წერილობითი ხელშეკრულების პროექტი შპს „ორთაჭალაჰესი 2007“-ის სახელმწიფო საკუთრებაში არსებული 100% წილის ნასყიდობასთან დაკავშირებით.

2. მიეცეს თანხმობა საქართველოს ეკონომიკური განვითარების მინისტრს ლ. ჟვანიას, გააფორმოს პირველ პუნქტში მითითებული დამატებითი წერილობითი ხელშეკრულება.

3. განკარგულება ძალაშია ხელმოწერის დღიდან.

პრემიერ-მინისტრი                                                   გ. მგალობლიშვილი