საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – სახელმწიფო ქონების ეროვნული სააგენტოსათვის უძრავი ქონების გაცვლის შესახებ თანხმობის მიცემის თაობაზე

საქართველოს მთავრობის

განკარგულება №228

2013 წლის 7 მარტი

ქ. თბილისი

საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – სახელმწიფო ქონების ეროვნული სააგენტოსათვის უძრავი ქონების გაცვლის შესახებ თანხმობის მიცემის თაობაზე

1. „სახელმწიფო ქონების შესახებ“ საქართველოს კანონის მე-3 მუხლის მე-5 პუნქტის შესაბამისად, მიეცეს თანხმობა საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – სახელმწიფო ქონების ეროვნულ სააგენტოს, რომ შპს „გორმედს“ (საიდენტიფიკაციო N417876711) საკუთრებაში გადასცეს ქ. გორში, ცხინვალის გზატკეცილის №14-ში მდებარე 100 კვ.მ. არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი №66.45.07.002), შპს „გორმედის“ საკუთრებაში არსებული, ქ. გორში, ცხინვალის გზატკეცილის №14ა-ში მდებარე 100 კვ.მ. არასასოფლო-სამეურნეო დანიშნულების მიწის ნაკვეთის (მიწის (უძრავი ქონების) საკადასტრო კოდი №66.45.07.152) სახელმწიფო საკუთრებაში გადაცემის სანაცვლოდ, იმ პირობით, რომ შპს „გორმედი“ შესაბამისი ხელშეკრულების გაფორმებიდან 1 თვის ვადაში სახელმწიფოს საკუთრებაში გადასცემს უფლებრივად უნაკლო ქონებას.

2. საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ – სახელმწიფო ქონების ეროვნულმა სააგენტომ ამ განკარგულების შესრულების მიზნით უზრუნველყოს კანონმდებლობით გათვალისწინებული ღონისძიების განხორციელება.

პრემიერ-მინისტრი                                                   ბ. ივანიშვილი