საქართველოს მთავრობის
განკარგულება №149
2013 წლის 7 თებერვალი
ქ. თბილისი
საჯარო სამართლის იურიდიული პირის – საქართველოს სტანდარტებისა და მეტროლოგიის ეროვნული სააგენტოს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ
„სახელმწიფო შესყიდვების შესახებ” საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების უზრუნველსაყოფად, სსიპ - საქართველოს სტანდარტებისა და მეტროლოგიის ეროვნულმა სააგენტომ, მის კომპეტენციაში შემავალი ეროვნული ეტალონების (სანიმუშო გაზომვის საშუალებების) მოვლა-შენახვისა და მათი საერთაშორისო დონეზე მიკვლევადობის უზრუნველყოფის მიზნით, 2013 წლის განმავლობაში, მათ დაკალიბრებასთან დაკავშირებული მომსახურების სახელმწიფო შესყიდვა უცხო ქვეყნის შესაბამისი უფლებამოსილების/კომპეტენციის მქონე დაწესებულებისაგან (მეტროლოგიის ეროვნული ინსტიტუტები და საერთაშორისოდ აღიარებული აკრედიტაციის მქონე ლაბორატორიები) განახორციელოს გამარტივებული შესყიდვის საშუალებით, სააგენტოს საკუთარი შემოსავლებიდან.
პრემიერ-მინისტრი ბ. ივანიშვილი