საქართველოს მთავრობის
განკარგულება №147
2013 წლის 7 თებერვალი
ქ. თბილისი
„ა(ა)იპ - საქართველოს სროლის სახეობათა ეროვნული ფედერაციისათვის სახელმწიფო საკუთრებაში არსებული ქონების უსასყიდლო უზუფრუქტის ფორმით გადაცემაზე თანხმობის მიცემის შესახებ“ საქართველოს მთავრობის 2012 წლის 29 თებერვლის №362 განკარგულებაში ცვლილების შეტანის თაობაზე
1. საქართველოს ზოგადი ადმინისტრაციული კოდექსის 63-ე მუხლის შესაბამისად, „ა(ა)იპ – საქართველოს სროლის სახეობათა ეროვნული ფედერაციისათვის სახელმწიფო საკუთრებაში არსებული ქონების უსასყიდლო უზუფრუქტის ფორმით გადაცემაზე თანხმობის მიცემის შესახებ“ საქართველოს მთავრობის 2012 წლის 29 თებერვლის №362 განკარგულებაში შეტანილ იქნეს ცვლილება და მე-2-მე-3 პუნქტები ჩამოყალიბდეს შემდეგი რედაქციით:
„2.ა(ა)იპ – საქართველოს სროლის სახეობათა ეროვნულმა ფედერაციამ არაუგვიანეს 2013 წლის 1 სექტემბრისა ამ განკარგულების პირველი პუნქტით გადაცემულ უძრავ ქონებაზე განახორციელოს:
ა) 2 კომბინირებული სპორტული სტენდის მოწყობა, სადაც შესაძლებელი იქნება მაღალი რანგის შეჯიბრებების ჩატარება;
ბ) სპორტსმენებისათვის გასახდელის აშენება;
გ) იარაღის შესანახი საწყობების აღდგენა;
დ) ელექტრომომარაგების, წყალგაყვანილობისა და კანალიზაციის მოწყობა;
ე) ტერიტორიის მოწყობა, რომელიც აქტუალური იქნება დასვენების ცენტრად სროლის მოყვარული ნებისმიერი მსურველისათვის.“.
3. ა(ა)იპ – საქართველოს სროლის სახეობათა ეროვნულმა ფედერაციამ დამოუკიდებლად, ან/და მესამე პირის (ინვესტორის) მეშვეობით, ამ განკარგულების მე-2 პუნქტით გათვალისწინებული ვალდებულების შესრულების მიზნით, განახორციელოს 250 000 (ორას ორმოცდაათი ათასი) ლარის ღირებულების სარეაბილიტაციო სამუშაოები.“.
2. საქართველოს ეკონომიკისა და მდგრადი განვითარების სამინისტროს სსიპ – სახელმწიფო ქონების ეროვნულმა სააგენტომ ამ განკარგულების შესრულების მიზნით უზრუნველყოს კანონმდებლობით გათვალისწინებული ღონისძიებების განხორციელება.
პრემიერ-მინისტრი ბ. ივანიშვილი