საქართველოს სამრეწველო პოლიტიკის კონცეფციის შესახებ

საქართველოს პრეზიდენტის

ბრძანებულება №537

1999 წლის 15 სექტემბერი

ქ. თბილისი

საქართველოს მრეწველობის წინაშე მდგარი უაღრესად მნიშვნელოვანი ამოცანების დროულად გადაჭრისა და მისი შემდგომი განვითარების მიზნით:

1. მოწონებულ იქნეს საქართველოს მრეწველობის სამინისტროს მიერ შემუშავებული საქართველოს სამრეწველო პოლიტიკის კონცეფცია და „2000-2005 წლებში საქართველოს სამრეწველო საწარმოების განვითარების სტრატეგიული პროგრამები“. აღინიშნოს, რომ საქართველოს სამრეწველო პოლიტიკის კონცეფცია და მის საფუძველზე შემუშავებული „2000-2005 წლებში საქართველოს სამრეწველო საწარმოების განვითარების სტრატეგიული პროგრამები“ წარმოადგენს საქართველოს სახელმწიფო პოლიტიკის საფუძველს მრეწველობაში.

2. შესაბამისი ნორმატიული აქტების მომზადების, სახელმწიფო ბიუჯეტისა და ინდიკატიური გეგმის პროექტების შედგენის, საინვესტიციო პროგრამებისა და პროექტების დამუშავების დროს გათვალისწინებულ იქნეს სამრეწველო პოლიტიკის კონცეფციით განსაზღვრული ორიენტირები.

3. საქართველოს მრეწველობის სამინისტრომ სათანადო სამინისტროებთან და უწყებებთან შეთანხმებით უზრუნველყოს საქართველოს მრეწველობის დარგის საკითხებზე წინათ მიღებული პროგრამებისა და სხვა დოკუმენტების საქართველოს სამრეწველო პოლიტიკის კონცეფციასთან შესაბამისობა.

ე. შევარდნაძე