წყალტუბოს მუნიციპალიტეტისათვის საქართველოს მთავრობის სარეზერვო ფონდიდან თანხის გამოყოფის შესახებ

საქართველოს მთავრობის

განკარგულება № 453

2008 წლის 7 ივლისი

ქ. თბილისი

1. სტიქიური უბედურების ყველაზე მაღალი რისკის ზონაში მცხოვრები ცხრამეტი ოჯახის საბინაო, სამეურნეო და სოციალური პრობლემების მოგვარების მიზნით საქართველოს ფინანსთა სამინისტრომ (ნ. გილაური) „ საქართველოს 2008 წლის სახელმწიფო ბიუჯეტის შესახებ “ საქართველოს კანონით გათვალისწინებული საქართველოს მთავრობის სარეზერვო ფონდიდან წყალტუბოს მუნიციპალიტეტის გამგეობას თითოეული ოჯახისათვის გამოუყოს 10 000 (ათი ათასი) აშშ დოლარის ეკვივალენტი ლარი, სულ 190 000 (ას ოთხმოცდაათი ათასი) აშშ დოლარის ეკვივალენტი ლარი.

2. განკარგულების შესრულების კონტროლი განახორციელონ სახელმწიფო რწმუნებულმა – გუბერნატორმა ბაღდათის, ვანის, ზესტაფონის, თერჯოლის, სამტრედიის, საჩხერის, ტყიბულის, წყალტუბოს, ჭიათურის, ხარაგაულის, ხონის მუნიციპალიტეტებისა და ქალაქ ქუთაისის ადმინისტრაციულ-ტერიტორიულ ერთეულებში მ. ჩოგოვაძემ და საქართველოს ფინანსთა სამინისტრომ (ნ. გილაური).

პრემიერ-მინისტრი ვ. გურგენიძე