სახელმწიფო საკუთრებაში არსებული ქონების აჭარის ავტონომიური რესპუბლიკის საკუთრებაში გადაცემის შესახებ

საქართველოს მთავრობის

განკარგულება № 424

2008 წლის 26 ივნისი

ქ. თბილისი

1. „ აჭარის ავტონომიური რესპუბლიკისათვის სახელმწიფო ქონების საკუთრებაში გადაცემის წესის შესახებ “ საქართველოს მთავრობის 2005 წლის 19 თებერვლის № 26 დადგენილებით დამტკიცებული დებულების პირველი მუხლის მე-3 პუნქტის შესაბამისად აჭარის ავტონომიურ რესპუბლიკას საკუთრებაში გადაეცეს სახელმწიფო საკუთრებაში არსებული უძრავი ქონება დანართის მიხედვით.

2. საქართველოს ეკონომიკური განვითარების სამინისტრომ (ე. შარაშიძე) უზრუნველყოს მოქმედი კანონმდებლობით გათვალისწინებულ ღონისძიებათა განხორციელება განკარგულების შესრულების მიზნით.

3. განკარგულება ძალაშია ხელმოწერის დღიდან.

პრემიერ-მინისტრი ვ. გურგენიძე

დანართი

აჭარის ავტონომიური რესპუბლიკის საკუთრებაში გადასაცემი სახელმწიფო საკუთრებაში არსებული უძრავი ქონება

№

დასახელება

მისამართი

შენობა-ნაგებობის ფართობი, კვ. მ

დამაგრებული მიწის ნაკვეთის ფართობი, კვ. მ

საჯარო რეესტრიდან ამონაწერის მიწის (უძრავი ქონების) რეგისტრაციის №

შენობა-ნაგებობები და მათზე დამაგრებული მიწის ნაკვეთი

ქ. ბათუმი,

ბაგრატიონის ქ. №117

5661,28

24210

05.06.03.036