საქართველოს მთავრობის
განკარგულება №809
2008 წლის 26 ნოემბერი
ქ. თბილისი
„შპს „ჯორჯიან მანგანეზზე“ გაცემულ №00414 სასარგებლო წიაღისეულის მოპოვების ლიცენზიაში ცვლილებების შეტანაზე თანხმობის მიცემის შესახებ“ საქართველოს მთავრობის 2008 წლის 12 ნოემბრის №740 განკარგულებაში ცვლილების შეტანის თაობაზე
1. „შპს „ჯორჯიან მანგანეზზე“ გაცემულ №00414 სასარგებლო წიაღისეულის მოპოვების ლიცენზიაში ცვლილებების შეტანაზე თანხმობის მიცემის შესახებ“ საქართველოს მთავრობის 2008 წლის 12 ნოემბრის №740 განკარგულებაში შეტანილ იქნეს ცვლილება და პირველი პუნქტი ჩამოყალიბდეს შემდეგი რედაქციით:
„1. მიეცეს თანხმობა საქართველოს ეკონომიკური განვითარების სამინისტროს შპს ,,ჯორჯიან მანგანეზზე“ გაცემულ №00414 სასარგებლო წიაღისეულის მოპოვების ლიცენზიაში შეიტანოს ცვლილებები იმასთან დაკავშირებით, რომ ლიცენზიატმა 2008-2011 წლებში აწარმოოს ჯამში მინიმუმ 1 600 000 ტონა მადნის კონცენტრატი, წელიწადში მინიმუმ 200 000 ტონის წარმოების პირობით.“.
2. განკარგულება ძალაშია ხელმოწერის დღიდან.
პრემიერ-მინისტრი გ. მგალობლიშვილი