საქართველოს მთავრობის
განკარგულება №863
2008 წლის 10 დეკემბერი
ქ. თბილისი
„ენერგეტიკის დარგში მოქმედი ზოგიერთი ორგანიზაციისათვის ოკუპირებულ ტერიტორიებზე საქმიანობის განხორციელებისათვის თანხმობის გაცემის შესახებ“ საქართველოს მთავრობის 2008 წლის 17 ნოემბრის №754 განკარგულებაში ცვლილებების შეტანის თაობაზე
1. საქართველოს ზოგადი ადმინისტრაციული კოდექსის 63-ე მუხლის შესაბამისად „ენერგეტიკის დარგში მოქმედი ზოგიერთი ორგანიზაციისათვის ოკუპირებულ ტერიტორიებზე საქმიანობის განხორციელებისათვის თანხმობის გაცემის შესახებ“ საქართველოს მთავრობის 2008 წლის 17 ნოემბრის №754 განკარგულებაში შეტანილ იქნეს შემდეგი ცვლილება და დამატება:
ა) პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:
„ბ) შპს „სპეცენერგორემონტს“, შპს „მშენსერვისი – 2002-ს“, შპს „მერკური პლიუსს“, შპს „ტრანფიბერ – სერვისს“, შპს ,,ეკო – ენერგიას“, შპს „მერკურს“, შპს „ლუმენს“, შპს ,,კაშხალს“, შპს „უბიხი 2006-ს“, შპს „თანს“, შპს ,,სპეცენერგოსერვისი – 2000-ს“, შპს „ჰიდროგეოენერგოცენტრს“, ავსტრიულ-გერმანულ კომპანია „ვოიტ-სიმენსს“, უკრაინულ კომპანია „ზაპოროჟტრანსფორმატორს“, უკრაინულ კომპანია „ტურბოატომს“, სს „საქჰიდროენერგომშენს“, სს „ჰიდროსპეცგვირაბმშენს“–„ა“ ქვეპუნქტში მითითებული ჰიდროელექტროსადგურების სარემონტო-სარეაბილიტაციო სამუშაოებთან დაკავშირებული საქმიანობისათვის;“;
ბ) განკარგულებას დაემატოს შემდეგი შინაარსის 11 პუნქტი:
„11. საქართველოს მთავრობის უპირობო გადაწყვეტილებით ეს განკარგულება ნებისმიერ დროს შეიძლება გამოცხადდეს ძალადაკარგულად.“.
2. განკარგულება ძალაშია ხელმოწერის დღიდან.
პრემიერ-მინისტრი გ. მგალობლიშვილი