საქართველოს ეროვნული ბანკის ვიცე-პრეზიდენტის
განკარგულება № 955
2013 წლის 27 დეკემბერი
ქ. თბილისი
„სს „ინვესტბანკში“ დროებითი ადმინისტრაციის დანიშვნის თაობაზე“ საქართველოს ეროვნული ბანკის ვიცე-პრეზიდენტის 2013 წლის 1 ნოემბრის № 828 განკარგულებ აში ცვლილების შეტანის თაობაზე
„საქართველოს ეროვნული ბანკის შესახებ“ საქართველოს ორგანული კანონის მე - 15 მუხლის პირველი პუნქტის „ზ“ ქვეპუნქტის, ამავე კანონის 49-ე მუხლის პირველი პუნქტის „კ“ ქვეპუნქტის და მეორე პუქნტის, „კომერციული ბანკების საქმიანობის შესახებ“ საქართველოს კანონის 32-ე, 33-ე და 34-ე მუხლების, „საქართველოს ზოგადი ადმინისტრაციული კოდექსის 63-ე მუხლისა და საქართველოს ეროვნული ბანკის პრეზიდენტის 2013 წლის 27 ივნისის № 66/04 ბრძანების საფუძველზე:
1. „სს „ინვესტბანკში“ დროებითი ადმინისტრაციის დანიშვნის თაობაზე“ საქართველოს ეროვნული ბანკის ვიცე-პრეზიდენტის 2013 წლის 1 ნოემბრის № 828 განკარგულების მე-2 პუნქტით განსაზღვრული დროებითი ადმინისტრაციის მოქმედების ვადა გაგრძელდეს 2014 წლის 30 იანვრამდე და ჩამოყალიბდეს შემდეგი რედაქციით:
„2. დროებითი ადმინისტრაციის მოქმედების ვადა განისაზღვროს 2014 წლის 30 იანვრამდე.“
2. „სს „ინვესტბანკში“ დროებითი ადმინისტრაციის დანიშვნის თაობაზე“ საქართველოს ეროვნული ბანკის ვიცე-პრეზიდენტის 2013 წლის 1 ნოემბრის № 828 განკარგულების ყველა სხვა პუნქტი დარჩეს უცვლელი.
3. ამ განკარგულების გასაჩივრება შეიძლება თბილისის საქალაქო სასამართლოს ადმინისტრაციულ საქმეთა კოლეგიაში (ქ. თბილისი, დ. აღმაშენებლის ხეივანი, მე - 12 კილომეტრი, N6) მხარისათვის მისი გაცნობიდან ერთი თვის ვადაში.
4. ეს განკარგულება ამოქმედდეს მხარისათვის გაცნობისთანავე.
ვიცე - პრეზიდენტი ო. ნადარაია