საქართველოს შინაგან საქმეთა სამინისტროში სამხედრო სავალდებულო სამსახურის მოხდის წესის შესახებ დებულების დამტკიცების თაობაზე

საქართველოს შინაგან საქმეთა მინისტრის

ბრძანება №1009

2013 წლის 31 დეკემბერი

ქ. თბილისი

საქართველოს შინაგან საქმეთა სამინისტროში სამხედრო სავალდებულო სამსახურის მოხდის წესის დამტკიცების თაობაზე

საქართველოს შინაგან საქმეთა მინისტრის 2020 წლის 31 ივლისის ბრძანება №118 - ვებგვერდი, 05.08.2020წ.

„თავდაცვის კოდექსის 178-ე მუხლის მე-7 ნაწილისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის N337 დადგენილების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ:

საქართველოს შინაგან საქმეთა მინისტრის 2024 წლის 27 დეკემბრის ბრძანება №93 - ვებგვერდი, 30.12.2024წ.

მუხლი 1

დამტკიცდეს საქართველოს შინაგან საქმეთა სამინისტროში სამხედრო სავალდებულო სამსახურის მოხდის თანდართული წესი.

მუხლი 1¹

ამ ბრძანების მოქმედება გავრცელდეს 2025 წლის 1 იანვრამდე საქართველოს შინაგან საქმეთა სამინისტროს სისტემაში წვევამდელთა ეროვნული სამხედრო სამსახურის გასავლელად ჩარიცხულ პირზე (შემდგომში – წვევამდელი).

მუხლი 2

ძალადაკარგულად იქნეს ცნობილი საქართველოს შინაგან საქმეთა მინისტრის 2006 წლის 13 ივნისის N770 ბრძანება „პოლიციაში სამხედრო სავალდებულო სამსახურის მოხდის წესის შესახებ“ დებულების დამტკიცების თაობაზე“.

მუხლი 3

ბრძანება გამოქვეყნდეს 2014 წლის 1 იანვრიდან.

შინაგან საქმეთა მინისტრი ალექსანდრე ჭიკაიძე

დანართი

საქართველოს შინაგან საქმეთა სამინისტროში სამხედრო სავალდებულო სამსახურის მოხდის წესი

თავი I
ზოგადი დებულებანი

მუხლი 1

1. საქართველოს შინაგან საქმეთა სამინისტროში სამხედრო სავალდებულო სამსახურის მოხდის წესი (შემდგომ – წესი) განსაზღვრავს წვევამდელის მიერ საქართველოს შინაგან საქმეთა სამინისტროში (შემდგომ – სამინისტრო) გაწვევით საკონტრაქტო ან/და სამხედრო სავალდებულო სამსახურის მოხდისა და დაფინანსების წესს.

2. წვევამდელის მიერ სამინისტროში სამხედრო ვალდებულება შეიძლება მოხდილ იქნეს გაწვევით სავალდებულო სამხედრო სამსახურის ან საკონტრაქტო სამსახურის სახით.

მუხლი 2

1. წვევამდელზე, რომელიც იხდის სავალდებულო ვადიან სამხედრო სამსახურს და ჩარიცხულია სამინისტროს სამხედრო ქვედანაყოფებში ვრცელდება ეს წესი, სამხედრო სადისციპლინო წესდება, საქართველოს შინაგან საქმეთა მინისტრის (შემდგომ – მინისტრი) ბრძანებები და სხვა სამართლებრივი აქტები.

2. წვევამდელზე, რომელიც სამინისტროში სამხედრო ვალდებულებას იხდის საკონტრაქტო სამსახურის სახით ვრცელდება ეს წესი, სამინისტროს დისციპლინური წესდება, მინისტრის ბრძანებები და სხვა სამართლებრივი აქტები.

მუხლი 3

სამხედრო ვალდებულების მოსახდელად სამინისტროში შეიძლება ჩაირიცხოს წვევამდელი, რომელმაც იცის სახელმწიფო ენა (აღნიშნული მოთხოვნა ვრცელდება მხოლოდ კონტრაქტორზე), პიროვნული თვისებებით, განათლებით, ფიზიკური მომზადებითა და ჯანმრთელობის მდგომარეობით შეძლებს შეასრულოს დაკისრებული მოვალეობანი.

მუხლი 4. (ამოღებულია)

მუხლი 5

1. სამინისტროში ვადიანი სამხედრო სავალდებულო სამსახურის გასავლელად ჩასარიცხი წვევამდელები, ცენტრალურ გამწვევ კომისიასთან არსებული მუდმივმოქმედი სამხედრო-სამედიცინო საექსპერტო კომისიის გავლის შემდეგ (მათი ვარგისობის დადგენის შემთხვევაში), გასაუბრებას გადიან სამინისტროს ადამიანური რესურსების მართვის დეპარტამენტისა და იმ სტრუქტურული ქვედანაყოფის წარმომადგენლებთან, სადაც უნდა გაიარონ სამხედრო სავალდებულო სამსახური.

2. სამინისტროს მოსამსახურეების მიერ შეირჩევიან ის წვევამდელები, რომლებიც თავიანთი პიროვნული თვისებებით, განათლებით, ფიზიკური მომზადებითა და ჯანმრთელობის მდგომარეობით შეძლებენ შეასრულონ მათზე დაკისრებული მოვალეობანი.

3. (ამოღებულია - 01.08.2022, №79).

4. სამინისტროს ადამიანური რესურსების მართვის დეპარტამენტი ახორციელებს კანდიდატების ნასამართლობისა და სხვა საკითხების შესწავლას.

5. სამინისტროს ადამიანური რესურსების მართვის დეპარტამენტი ვადიან სამხედრო სამსახურში ჩარიცხულ მოსამსახურეთა სიას აცნობებს შესაბამის სამსახურებს.

6. წვევამდელი სამინისტროში სავალდებულო სამხედრო სამსახურის მოსახდელად გადის სპეციალურ თეორიულ-პრაქტიკულ სწავლებას ორი კვირიდან ერთ თვემდე ვადით.

7. წვევამდელი დებს სამხედრო ფიცს.

8. წვევამდელმა ფიცის დადებამდე არ შეიძლება შეასრულოს საბრძოლო ამოცანები (საბრძოლო მოქმედება, საბრძოლო მორიგეობა, საბრძოლო სამსახური, საგუშაგო სამსახური).

9. შერჩეული კანდიდატები შემდგომი სამხედრო ვალდებულების მოსახდელად მინისტრის ან კურატორი მინისტრის მოადგილის ბრძანებით ჩაირიცხებიან სამინისტროს სისტემაში და მიენიჭებათ სამხედრო წოდება - „რიგითი“. მათ მიერ სამხედრო ვალდებულების მოხდა აითვლება ჩარიცხვის დღიდან.

საქართველოს შინაგან საქმეთა მინისტრის 2022 წლის 1 აგვისტოს ბრძანება №79 - ვებგვერდი, 02.08.2022წ.

მუხლი 6

1. სამინისტროში სამხედრო ვალდებულების მოსახდელად ჩარიცხული ვადიანი სამხედრო მოსამსახურეები მინისტრის ან კურატორი მინისტრის მოადგილის ბრძანებით ინიშნებიან დანაყოფებში შესაბამის თანამდებობებზე, აგრეთვე განთავსდებიან ყაზარმებში ან/და ნაწილდებიან დანაყოფებში.

1¹. სამინისტროში ჩარიცხული ვადიანი სამხედრო მოსამსახურე ავსებს ანკეტას (დანართი №3), რომელიც ინახება სამინისტროს იმ სტრუქტურულ ქვედანაყოფში, სადაც ის გადის სამხედრო სავალდებულო სამსახურს. ვადიანი სამხედრო მოსამსახურის მიერ შევსებული ანკეტა ნადგურდება სამხედრო სავალდებულო სამსახურის მოხდის შემდეგ, დაუყოვნებლივ.

2. სამინისტროს სტრუქტურულ ქვედანაყოფებში სამხედრო სავალდებულო სამსახურის გავლა ხორციელდება ყაზარმული ან ცვლიანი სამუშაო რეჟიმის სახით ან/და სტრუქტურული ერთეულის განსხვავებული სამუშაო გრაფიკის შესაბამისად, რომელსაც განსაზღვრავს სტრუქტურული ქვედანაყოფის ხელმძღვანელი, კურატორ მინისტრის მოადგილესთან შეთანხმებით.

2¹. ვადიან სამხედრო მოსამსახურეს სამსახურებრივი მოვალეობის შესრულებისას ეზღუდება მობილური საკომუნიკაციო აღჭურვილობით სარგებლობის უფლება, გარდა განსაკუთრებული შემთხვევებისა, ხელმძღვანელის თანხმობის არსებობისას.

3. სამინისტროს ობიექტების დაცვის დეპარტამენტსა და განსაკუთრებულ დავალებათა დეპარტამენტში ვადიანი სამხედრო მოსამსახურეები სამხედრო სავალდებულო სამსახურს გადიან როგორც ყაზარმული, ისე ცვლიანი სამუშაო რეჟიმის სახით, ასევე, სტრუქტურული ერთეულის განსხვავებული სამუშაო გრაფიკის შესაბამისად. სამსახურის გავლის პერიოდში მათ პრაქტიკული და თეორიული მეცადინეობები უტარდებათ შესაბამისი დეპარტამენტის დირექტორის მიერ დამტკიცებული სასწავლო გეგმების მიხედვით.

4. სამსახურებრივი საჭიროებიდან გამომდინარე, ვადიანი სამხედრო მოსამსახურეები, შეიძლება გადაყვანილ იქნენ ყაზარმულ ან დღეგამოშვებით მუშაობის რეჟიმზე.

5. დასაშვებია სამინისტროს გასამხედროებულ ქვედანაყოფებში ჩარიცხული წვევამდელების გადაადგილება აღნიშნული ქვედანაყოფების ფარგლებში.

საქართველოს შინაგან საქმეთა მინისტრის 2016 წლის 17 მაისის ბრძანება №252 - ვებგვერდი,18.05.2016წ.

მუხლი 7

1. ვადიან სამხედრო მოსამსახურეებს პატაკის საფუძველზე, შესაბამისი დოკუმენტების წარდგენით, შეიძლება მიეცეთ მოკლევადიანი შვებულება 10 დღემდე ვადით:

ა) დაოჯახების შემთხვევაში;

ბ) წახალისების მიზნით;

გ) ახლო ნათესავის (დედა, მამა, ცოლი, შვილი, და, ძმა) გარდაცვალების ან მათი მძიმე ავადმყოფობის გამო;

დ) სტიქიური უბედურების შემთხვევაში, რომლის დროსაც დაზარალდა ვადიანი სამხედრო მოსამსახურის ოჯახი;

ე) სხვა განსაკუთებულ შემთხვევებში.

2. მობილიზაციის, საომარი ან საგანგებო მდგომარეობის გამოცხადების შემთხვევაში თავისუფალ ცვლაში, შვებულებასა და მივლინებაში მყოფი სამხედრო მოსამსახურე ვალდებულია სასწრაფოდ გამოცხადდეს თავის დანაყოფში. თუ ეს შეუძლებელია, დაუყოვნებლივ უნდა შეატყობინოს თავის უშუალო უფროსს და იმოქმედოს ბრძანების შესაბამისად.

მუხლი 8

1. ვადიანი სამხედრო მოსამსახურეები სამსახურებრივი საჭიროებიდან გამომდინარე, შეიძლება გაიგზავნონ სამსახურებრივ მივლინებაში შემდეგ შემთხვევებში:

ა) სამხედრო შეკრებებისა და საბრძოლო მომზადებასთან დაკავშირებული სხვა ღონისძიებების მომსახურების მიზნით;

ბ) სამხედრო ტვირთის, საბრძოლო ტექნიკისა და ქონების დასაცავად და გასაცილებლად;

გ) სპორტულ და კულტურულ-მასობრივ ღონისძიებებში მონაწილეობის მისაღებად;

დ) მისი მუდმივი სამსახურებრივი ადგილისაგან მოწყვეტით სამსახურებრივი მოვალეობის შესასრულებლად;

ე) სამეცნიერო და თეორიულ-პრაქტიკულ სემინარებში მონაწილეობის მისაღებად;

ვ) სამსახურებრივ საქმიანობასთან დაკავშირებულ სხვა შემთხვევებში.

2. მივლინებაში გაგზავნისა და დაბრუნების თაობაზე გამოიცემა შესაბამისი ბრძანება.

მუხლი 9

1. ვადიანი სამხედრო მოსამსახურეები სამსახურებრივი საჭიროებიდან გამომდინარე შეიძლება მივლენილ იქნენ მინისტრის ან კურატორი მინისტრის მოადგილის ბრძანებით დანაყოფის შიგნით ან სამინისტროს სხვადასხვა დანაყოფში.

2. მივლენა განისაზღვრება გარკვეული ვადით და მინისტრის ან კურატორი მინისტრის მოადგილის მიერ გამოიცემა შესაბამისი ბრძანება.

მუხლი 10

1. ავადმყოფობის გამო ვადიანი სამხედრო მოსამსახურის სამსახურიდან დროებით გათავისუფლების საფუძველს წარმოადგენს სსიპ - სამინისტროს ჯანმრთელობის დაცვის სამსახურის ან სხვა ლიცენზირებული სამედიცინო დაწესებულების მიერ გაცემული სათანადო სამედიცინო დოკუმენტაცია.

2. ვადიანი სამხედრო სამსახურიდან ავადმყოფობის გამო დათხოვნა ხორციელდება სსიპ – სამინისტროს ჯანმრთელობის დაცვის სამსახურის ცენტრალური სამედიცინო კომისიის დასკვნის საფუძველზე.

3. (ამოღებულია - 01.08.2022, №79).

მუხლი 11

1. ვადიანი სამხედრო სამსახურიდან სამხედრო მოსამსახურის დათხოვნა ხდება თავდაცვის კოდექსის შესაბამისად.

2. ვადიანი სამხედრო სამსახურიდან დათხოვნილ პირთა ნამსახურობის ბარათი ეგზავნება შესაბამის სამსახურს სამინისტროს ადამიანური რესურსების მართვის დეპარტამენტის მიერ 30 დღის ვადაში.

მუხლი 12. (ამოღებულია)

თავი II
საკონტრაქტო სამსახურის გავლის წესი

მუხლი 13

1. სამინისტროს შესაბამის საკადრო დანაყოფში ტარდება გასაუბრება ვადიანი საკონტრაქტო სამსახურის მოსახდელად ჩასარიცხ წვევამდელებთან, რომლებსაც გააჩნიათ წვევამდელის მოწმობა.

2. გასაუბრების გავლისას მოწმდება წვევამდელის პიროვნული თვისებები, ზოგადი განათლება და ინტელექტუალური მონაცემები.

3. გასაუბრების შედეგებით შერჩეული წვევამდელი ავსებს ანკეტას.

4. სამინისტროს შესაბამისი საკადრო დანაყოფი ახორციელებს კანდიდატების ნასამართლობისა და სხვა საკითხების შესწავლას.

მუხლი 14

1. წვევამდელები, რომლებიც სამხედრო ვალდებულების მოსახდელად უნდა ჩაირიცხონ სამინისტროს ვადიან საკონტრაქტო სამსახურში, წარმოდგენილი საბუთების სრულყოფილების დადგენის შემდეგ გადიან სსიპ – სამინისტროს ჯანმრთელობის დაცვის სამსახურში ცენტრალურ სამედიცინო კომისიას.

2. სამინისტროში საკონტრაქტო სამსახურის სახით სამხედრო ვალდებულების მოსახდელად შერჩეული წვევამდელები მინისტრის ან მის მიერ უფლებამოსილი პირის ბრძანებით ჩაირიცხებიან სამინისტროს სისტემაში და მიენიჭებათ სახელმწიფო სპეციალური წოდება – „პოლიციის რიგითი“, შესაბამისი უფლებამოსილი პირის ბრძანებით უფორმდებათ კონტრაქტი თანდართული ნიმუშის შესაბამისად (დანართი N2). მათ მიერ სამხედრო ვალდებულების მოხდა აითვლება ჩარიცხვის დღიდან.

3. საკონტრაქტო მოსამსახურე გადის სპეციალურ თეორიულ-პრაქტიკულ სწავლებას 15 დღემდე ვადით, რის შემდეგაც ისინი ნაწილდებიან დაცვის ობიექტებზე.

4. სამინისტროს შესაბამისი საკადრო დანაყოფი საკონტრაქტო სამსახურში ჩარიცხულ მოსამსახურეთა სიას აცნობებს შესაბამის სამსახურებს.

საქართველოს შინაგან საქმეთა მინისტრის 31 ივლისის ბრძანება №118 - ვებგვერდი, 05.08.2020წ.

მუხლი 15

1. საკონტრაქტო მოსამსახურეს დაცვის ობიექტზე განაწილებისას უშუალო ხელმძღვანელის მიერ უტარდება შესაბამისი ინსტრუქტაჟი.

2. საკონტრაქტო სამსახურში მყოფ პირს სამსახურის გავლის მთელ პერიოდში, წახალისების სახით, უშუალო ხელმძღვანელის შუამდგომლობის საფუძველზე ეძლევა ერთჯერადი 5-დღიანი შვებულება, გარდა ამისა, მოკლევადიანი შვებულება ათ დღემდე ვადით, შემდეგ განსაკუთრებულ შემთხვევებში:

ა) ახლო ნათესავის (დედა, მამა, მეუღლე, შვილი, ძმა, და, ბებია, პაპა) გარდაცვალების ან მათი მძიმე ავადმყოფობის გამო;

ბ) სტიქიური ხასიათის ან სხვა სახის დაუძლეველი გარემოების შემთხვევაში, რომლის დროსაც დაზარალდა საკონტრაქტო მოსამსახურის ოჯახი.

3. შვებულება ფორმდება დადგენილი წესით, შესაბამისი საკადრო დანაყოფის მიერ.

4. სამსახურებრივი რეჟიმის გაძლიერებისა და განგაშის (გარდა სასწავლო) შემთხვევაში, შვებულებასა და მივლინებაში მყოფი საკონტრაქტო მოსამსახურე ვალდებულია სასწრაფოდ გამოცხადდეს თავის სამუშაო ადგილზე, თუ ეს შეუძლებელია, დაუყოვნებლივ უნდა შეატყობინოს თავის უშუალო უფროსს.

მუხლი 16

1. საკონტრაქტო სამსახურის გავლისას, მოსამსახურე შეიძლება გაიგზავნოს სამსახურებრივ მივლინებაში შემდეგ შემთხვევებში:

ა) სპეციალურ სწავლებებსა და შეკრებებზე;

ბ) მისი მუდმივი სამსახურებრივი ადგილისაგან მოწყვეტით სამსახურებრივი მოვალეობის შესასრულებლად;

გ) სამეცნიერო და თეორიულ-პრაქტიკულ სემინარებში მონაწილეობის მისაღებად;

დ) სპორტულ და კულტურულ-პრაქტიკულ სემინარებში მონაწილეობის მისაღებად.

2. მივლინებაში გაგზავნა ფორმდება შესაბამისი სტრუქტურული დანაყოფის უფროსის პატაკის საფუძველზე. მისავლინებელ პირს (გარდა იმ შემთხვევისა, როდესაც მივლინება პირდაპირ არ უკავშირდება სამსახურებრივი ვალდებულებების შესრულებას) მიეცემა სამივლინებო ბარათი და სამივლინებო თანხა, საჭიროების შემთხვევაში – მშრალი ულუფა ან სასურსათო და ფულადი კომპენსაცია.

მუხლი 17

1. სავალდებულო სამხედრო სამსახურში გაწვევისაგან გადავადების უფლების მქონე პირი, რომელიც პირადი სურვილით იხდის სამხედრო ვალდებულებას საკონტრაქტო სამსახურში, კარგავს კანონით მინიჭებული შეღავათის უფლებას, თუ მას სამსახურის გავლის პერიოდში არ წარმოექმნება შეღავათის მინიჭების ახალი გარემოება. საკონტრაქტო მოსამსახურეს უფლება აქვს, უარი თქვას შეღავათის მინიჭების ახალი გარემოებით სარგებლობაზე.

2. ავადმყოფობის გამო საკონტრაქტო მოსამსახურის სამსახურიდან დროებით გათავისუფლების საფუძველს წარმოადგენს სსიპ - სამინისტროს ჯანმრთელობის დაცვის სამსახურის ან სხვა ლიცენზირებული სამედიცინო დაწესებულების მიერ გაცემული სათანადო სამედიცინო დოკუმენტაცია.

3. (ამოღებულია - 01.08.2022, №79).

4. საკონტრაქტო მოსამსახურე ავადმყოფობის დროს ვალდებულია თავისი მდგომარეობის შესახებ აცნობოს უშუალო ხელმძღვანელს.

5. საკუთარი ინიციატივით (თვითნებურად), ავადმყოფობით ან ბრალეულობით (დაკისრებული მოვალეობის შეუსრულებლობა, დისციპლინის უხეში ან სისტემატური დარღვევა, სამხედრო მოსამსახურისთვის შეუფერებელი საქციელი) კონტრაქტის შეწყვეტის შემთხვევაში, წვევამდელს კონტრაქტით ნამსახურები პერიოდი სავალდებულო სამსახურში არ ჩაეთვლება და მისი სამართლებრივი სტატუსი და სამხედრო ვალდებულებისადმი დამოკიდებულება განისაზღვრება საქართველოს კანონმდებლობით.

დანართი №2

ხელშეკრულება № საკონტრაქტო სამსახურის გავლის შესახებ

ერთი მხრივ, საქართველოს შინაგან საქმეთა სამინისტრო

--------------------------------------------------------------------------------------

სახით და, მეორე მხრივ -------------------------------------------------------------------------

------------------------------------------------------------------------------------------------------

(შემდგომში – მოსამსახურე) საქართველოს კანონებისა და საქართველოს შინაგან საქმეთა სამინისტროში სამხედრო სავალდებულო სამსახურის მოხდის წესის საფუძველზე ვდებთ წინამდებარე კონტრაქტს შემდეგი პირობებით:

(შემდგომში – მოსამსახურე) საქართველოს კანონების, საქართველოს შინაგან საქმეთა სამინისტროში სამხედრო სავალდებულო სამსახურის მოხდის წესისა და „სამხედრო ვალდებულებისა და სამხედრო სამსახურის შესახებ“ საქართველოს კანონის საფუძველზე ვდებთ წინამდებარე კონტრაქტს შემდეგი პირობებით:

I. ხელშეკრულების საგანი

1.1. ხელშეკრულების საგანს წარმოადგენს სამინისტროს მიერ საქართველოს მოქალაქის საკონტრაქტო სამსახურში მიღება.

II. ხელშეკრულების ძალაში შესვლის პირობები

2.1. სავალდებულო სამხედრო სამსახურის ვადაში ჩასათვლელად სამსახურში ჩარიცხული მოსამსახურის ნამსახურობის ვადის ათვლა დაიწყება ჩარიცხვის დღიდან.

III. მხარეთა ვალდებულებები და პასუხისმგებლობა

3.1. სამინისტროს ------------------------------------------------------------------------------

--------------------------------------------------------------------------------------------------- ვალდებულია:

ა) უზრუნველყოს მოსამსახურე საქართველოს კანონმდებლობითა და სხვა ნორმატიული აქტებით გათვალისწინებული სოციალური გარანტიებით, შესაბამისი ფორმის ტანსაცმლით, სპეციალური აღჭურვილობითა და ფულადი ანაზღაურებით, რომელიც განისაზღვრება საქართველოს შინაგან საქმეთა მინისტრის სამართლებრივი აქტებით დადგენილი ოდენობით;

ბ) გააცნოს მოსამსახურეს ნორმატიული აქტებითა და ინსტრუქციებით, ასევე მინისტრის ბრძანებებით და სხვა სამართლებრივი აქტებით გათვალისწინებული მისი უფლებები და მოვალეობები;

გ) განახორციელოს კონტროლი მოსამსახურის მიმართ წაყენებული მოთხოვნების შესრულებაზე;

დ) მოსამსახურის მიერ საკონტრაქტო სამსახურის გავლის პერიოდში, კანონმდებლობით განსაზღვრული ვადის გასვლის შემდეგ, უზრუნველყოს შესაბამის სამსახურებში ცნობების გაგზავნა ამ მოსამსახურის ნამსახურობის აღნიშნული პერიოდის სამხედრო სავალდებულო სამსახურის გავლის ჩათვლის მიზნით.

3.2. მოსამსახურე ვალდებულია:

ა) გაიაროს სამსახურის სპეციალური თეორიულ-პრაქტიკული სწავლების საკარანტინო პერიოდი;

ბ) მტკიცედ დაიცვას სამხედრო ფიცი;

გ) ზედმიწევნით უზრუნველყოს საქართველოს კანონმდებლობით, სხვა ნორმატიული აქტებითა და ამ კონტრაქტით გათვალისწინებული მოთხოვნების შესრულება.

3.3. ხელშეკრულებით ნაკისრი ვალდებულებების შეუსრულებლობისათვის მხარეებს ეკისრებათ პასუხისმგებლობა მოქმედი კანონმდებლობის შესაბამისად.

IV. ხელშეკრულების შეწყვეტის პირობები

4.1. ხელშეკრულების მოქმედების შეწყვეტის საფუძვლებია:

– ხელშეკრულების მოქმედების ვადის გასვლა;

– ხელშეკრულების ვადამდე შეწყვეტა.

4.2. ხელშეკრულების ვადამდე შეწყვეტის საფუძვლებია:

– კონტრაქტით გათვალისწინებული მოთხოვნების შეუსრულებლობა;

– სამსახურებრივი დისციპლინის უხეში ან სისტემატური დარღვევა;

– ფიცის გატეხა, მოსამსახურისთვის შეუფერებელი საქციელის ჩადენა;

– დადგენილზე მეტი ვადის შემთხვევაში ავადმყოფობა;

V. ხელშეკრულების ვადამდე შეწყვეტის განსაკუთრებული პირობები

5.1. ხელშეკრულება ვადამდე შეიძლება შეწყდეს მხარეთა მიერ ხელშეკრულებით ნაკისრი ვალდებულებების შეუსრულებლობის ან არასათანადო შესრულების მიზეზით, რითაც დაირღვა ხელშეკრულებით გათვალისწინებული პირობები.

5.2. კონტრაქტორის მიერ საკუთარი ინიციატივით (თვითნებურად), ავადმყოფობით ან ბრალეულობით (დაკისრებული მოვალეობის შეუსრულებლობა, დისციპლინის უხეში ან სისტემატური დარღვევა, სამხედრო მოსამსახურისთვის შეუფერებელი საქციელი). კონტრაქტის შეწყვეტის შემთხვევაში წვევამდელს კონტრაქტით ნამსახურები პერიოდი სავალდებულო სამსახურში არ ჩაეთვლება და მისი სამართლებრივი სტატუსი და სამხედრო ვალდებულებისადმი დამოკიდებულება განისაზღვრება საქართველოს კანონმდებლობით.

5.3. ხელშეკრულებით ნაკისრი ვალდებულებების შეუსრულებლობის გამო მხარეთა შორის წარმოშობილი დავა წყდება საქართველოს კანონმდებლობით დადგენილი წესით.

VI. დამატებითი პირობები

6.1. ხელშეკრულება შედგენილია ქართულ ენაზე, ორ თანაბარი იურიდიული ძალის მქონე ეგზემპლარად, თითო ეგზემპლარი თითოეული მხარისათვის.

საქართველოს შინაგან საქმეთა კონტრაქტორი

სამინისტროს

––––––––––––––––––––– –––––––––––––––––––––

„–––“ –––––––––– 20 წ. „–-–“ –––––––––– 20 წ.

ბ.ა.

დანართი №3

ა ნ კ ე ტ ა

1. გვარი-----------------------------

სახელი-----------------------------

მამის სახელი----------------------

2. თუ შეცვლილი გაქვთ გვარი, სახელი, მამის სახელი, მიეთითოს როდის და რა მიზეზით
3. დაბადების რიცხვი, თვე, წელი
4. დაბადების ადგილი
5. მოქალაქეობა
6. რეგისტრაციის ადგილი და პირადი ნომერი
7. განათლება
8. როდის და რომელი სასწავლებელი დაამთავრეთ (სკოლა, უმაღლესი სასწავლებელი)
9. რეკომენდატორი (ასეთის არსებობისას) (გვარი, სახელი, მამის სახელი, სამუშაო ადგილი და თანამდებობა)
10. რომელ უცხო ენებს ფლობთ და რა დონეზე (თავისუფლად, კარგად, საშუალოდ, ცუდად)
11. ოჯახური მდგომარეობა

12. ახლო ნათესავები (მშობლები, მამინაცვალი, დედინაცვალი, ძმა, და, მეუღლე, შვილი, გერი, მეუღლის მშობლები, მამინაცვალი, დედინაცვალი, ძმა, და)

ნათესაობა	გვარი, სახელი, მამის სახელი	დაბადების ადგილი, რიცხვი, თვე, წელი	სამუშაო ადგილი და თანამდებობა	საცხოვრებელი ადგილის მისამართი

13. საცხოვრებელი ადგილის მისამართი---------------------------------------------------

14.საკონტაქტო ტელ.: სახლი-------------სამსახური------------მობილური------------

15. ელ-ფოსტა----------------------------------------------------------------------------------

„______“_________________წ.

________________________ ხელმოწერა