საქართველოს მთავრობის
განკარგულება №84
2007 წლის 21 თებერვალი
ქ. თბილისი
საქართველოს მთავრობის კანცელარიისათვის საქართველოს მთავრობის სარეზერვო ფონდიდან თანხის გამოყოფის შესახებ
საქართველოს სახელმწიფო გერბის ავტორის მ. გონგაძის სახელმწიფო გერბის ეტალონების დამზადების დასკვნით ეტაპზე ზედამხედველობის განხორციელების მიზნით ნიდერლანდის სამეფოს ზარაფხანაში მივლინებისათვის „საქართველოს 2007 წლის სახელმწიფო ბიუჯეტის შესახებ“ საქართველოს კანონით გათვალისწინებულ საქართველოს მთავრობის სარეზერვო ფონდიდან საქართველოს ფინანსთა სამინისტრომ (ა. ალექსიშვილი) საქართველოს მთავრობის კანცელარიას გამოუყოს 5 235 (ხუთი ათას ორას ოცდათხუთმეტი) ლარი.
პრემიერ-მინისტრი ზ. ნოღაიდელი