საქართველოს მთავრობის
განკარგულება №649
2008 წლის 8 ოქტომბერი
ქ. თბილისი
სტიქიის შედეგების სალიკვიდაციოდ საქართველოს მთავრობის სარეზერვო ფონდიდან თანხის გამოყოფის შესახებ
1. ცაგერის მუნიციპალიტეტში სტიქიის შედეგების სალიკვიდაციოდ საქართველოს ფინანსთა სამინისტრომ (ნ. გილაური)„ საქართველოს 2008 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს ეკონომიკური განვითარების სამინისტროს სახელმწიფო საქვეუწყებო დაწესებულებას – საქართველოს საავტომობილო გზების დეპარტამენტს ცაგერის მუნიციპალიტეტისათვის გამოუყოს 1 130 000 (ერთი მილიონ ას ოცდაათი ათასი) ლარი.
2. „სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის „ე“ ქვეპუნქტის შესაბამისად პირველი პუნქტით გათვალისწინებულ სარეაბილიტაციო სამუშაოთა მაქსიმალურად მოკლე დროში განხორციელების უზრუნველსაყოფად საქართველოს საავტომობილო გზების დეპარტამენტმა შესყიდვები განახორციელოს ერთ პირთან მოლაპარაკების საშუალებით.
3. განკარგულების შესრულების კონტროლი განახორციელონ საქართველოს ეკონომიკური განვითარების სამინისტრომ (ე. შარაშიძე) და საქართველოს ფინანსთა სამინისტრომ (ნ. გილაური).
4. განკარგულება ძალაშია ხელმოწერის დღიდან.
პრემიერ-მინისტრი ვ. გურგენიძე