საქართველოს მთავრობის
განკარგულება №119
2008 წლის 13 მარტი
ქ. თბილისი
„ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ“ საქართველოს მთავრობის 2008 წლის 25 თებერვლის №71 განკარგულებაში ცვლილებების შეტანის თაობაზე
1. საქართველოს ზოგადი ადმინისტრაციული კოდექსის 63-ე მუხლის შესაბამისად „ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ“ საქართველოს მთავრობის 2008 წლის 25 თებერვლის №71 განკარგულებით დამტკიცებულ №3 და №4 დანართებში შეტანილ იქნეს შემდეგი ცვლილებები:
ა) №3 დანართის პირველი პუნქტის „ა“ და „ბ“ ქვეპუნქტები ჩამოყალიბდეს ახალი რედაქციით:
„ა) სოფლების: ჩორჯო, ურავი, 1-ლი ტოლა, მე-2 ტოლა, ჭყვიში, გორისუბანი და ქ. ამბროლაურის წყალმომარაგების სისტემის რეაბილიტაცია;
ბ) შიდა გზების რეაბილიტაცია – სადმელი, ზემო კრიხი, ჟოშხა-გენდუში, ნიკორწმინდა;“;
ბ) №4 დანართის პირველი პუნქტი ჩამოყალიბდეს შემდეგი რედაქციით:
„1. მცხეთის მუნიციპალიტეტის გამგეობას – 940 000 (ცხრაას ორმოცი ათასი) ლარი შემდეგი პროექტების განსახორციელებლად:
ა) სოფელ ძეგვის საბავშვო ბაღის რემონტი;
ბ) სოფელ მსხალდიდის სკოლის რემონტი;
გ) სოფელ მუხრანის სკოლის კომპიუტერული ოთახის მოწყობა;
დ) სოფელ მისაქციელის წყალმომარაგების მაგისტრალის გაყვანა;
ე) სოფელ წილკნის გაზიფიცირების სამუშაოები.“.
2. განკარგულება ძალაშია ხელმოწერის დღიდან.
პრემიერ-მინისტრი ვ. გურგენიძე